საზოგადოება

,,ჯოჯოხეთური უსამართლობის მსხვერპლი ვიყავი, მაგრამ ერთი დღე და წუთი არ შემიწყვეტია ბრძოლა”

უკანონოდ მსჯავრდებული ადვოკატი სასამართლომ 16 წლის შემდეგ უდანაშაულოდ ცნო

2006 წელს უკანონოდ მსჯავრდებული, ადვოკატი მამუკა ნოზაძე, საქართველოს გენერალური პროკურატურის სამართალწარმოების პროცესში ჩადენილი დანაშაულის გამოძიების დეპარტამენტში ჩატარებული ხელახალი გამოძიების შედეგად, სააპელაციო სასამართლომ უდანაშაულოდ ცნო.

მამუკა ნოზაძეს 2005 წელს, იმჟამინდელი გამოძიება მისი დაცვის ქვეშ მყოფი ბრალდებულის მიმართ თითქოსდა საადვოკატო საქმიანობის განხორციელებისას ჩადენილ თაღლითობას ედავებოდა. სასჯელის სახედ და ზომად კი 3 წლისა და 6 თვის ვადით თავისუფლების აღკვეთა განესაზღვრა.

ახალი გამოძიების ფარგლებში მოპოვებული მტკიცებულებებით დადასტურდა, რომ ადვოკატს არანაირი შემხებლობა არ ჰქონია ბრალდებულის მიმართ წარმოებულ სისხლის სამართლის საქმესთან და არ ყოფილა მისი ინტერესების დამცველი ადვოკატი, ხოლო ბრალდებულის ოჯახის წევრმა უარყო მამუკა ნოზაძისთვის ფულადი თანხის გადაცემა, არარსებული კონსულტაციის ფაქტზე.  ასევე დადასტურდა, რომ მამუკა ნოზაძის მიმართ გამოძიება წარიმართა ტენდენციურად და არ მომხდარა ობიექტური ჭეშმარიტების დადგენა, ადგილი ქონდა ადვოკატის მიმართ მისი უფლებების უხეშ დარღვევას და ადვოკატის რეპუტაციისთვის ზიანის მიყენებას. შესაბამისად, ხელახალი გამოძიების შედეგად გამოირიცხა მამუკა ნოზაძის მხრიდან რაიმე დანაშაულის ჩადენის ფაქტი. ცხადია, არც დაკავებისას და არც განაჩენის გამოტანის დროს 2006 წელს და არც ამჟამად, ახლადგამოვლენილი გარემოებების გამო განაჩენის გადასინჯვისას, არ არსებობდა მტკიცებულებები, რომელიც რაიმენაირად დაადასტურებდა ადვოკატის დანაშაულებრივ ქმედებას, რაც აისახა თბილისის სააპელაციო სასამართლოს 2022 წლის 20 მაისის განაჩენში.

მამუკა ნოზაძის მიმართ სამართლიანი სასამართლოს უფლების დარღვევა და მის მიმართ უკანონო ბრალდება ასევე, დადასტურდა საქართველოს ადვოკატთა ასოციაციის რეაბილიტაციის კომისიისა (2018 წლის) და სახალხო დამცველის (2008 წლის) დასკვნებით, რომელიც შეტანილ იქნა სახალხო დამცველის საპარლამენტო მოხსენებაში.
„2005 წლიდან დღემდე არ შემიწყვეტია ბრძოლა იმისთვის, რომ სამართლიანობას ეზეიმა და ჩემი გასამართლების უკანონობა დამემტკიცებინა. პროკურატურამ ხელახალი გამოძიება ჩაატარა და სასამართლოს მიმართა განაჩენის გადასინჯვის შუამდგომლობით. ბუნებრივია ისევე, როგორც 2005 წელს, ახლაც, ხელახალი გამოძიების პირობებშიც არ არსებობდა არანაირი სახის მტკიცებულება, რომელიც ჩემს დანაშაულს დაადასტურებდა, შესაბამისად, ეს სასამართლოს განაჩენშიც აისახა და სააპელაციო სასამართლომ უდანაშაულოდ მცნო.
მე ვიყავი უკანონოდ ბრალდებული და მსჯავრდებული ჩემი პროფესიული საქმოანობის გამო პროკურატურის იმჟამინდელი ხელმძღვანელობის პირადი ინტერესების გათვალისწინებით, რომელთა მიზანიც იყო ჩამოვეშორებინე პროფესიულ საქმიანობას. ეს უკანონო დევნა ჩემი, როგორც ადვოკატის რეპუტაციის შელახვასა და მთლიანად ადვოკატთა კორპუსის დაშინებას ისახავდა მიზნად, იმ რეჟიმის პირობებში, როცა ადვოკატთა სისტემური რეპრესიები ხორცილდებოდა.“ – განაცხადა მამუკა ნოზაძემ

ადვოკატთა ასოციაცია მიესალმება ადვოკატის გამართლების ფაქტს და მამუკა ნოზაძეს ულოცავს სამართლიანობის გამარჯვებას!

       ,,ჩემზე უკეთ არავინ იცის თუ რა ჯოჯეხეთური უსამართლობის მსხვერპლი ვიყავი, მაგრამ ერთი დღე და წუთი არ შემიწყვეტია ბრძოლა უსამართლობის და უკანუნობის წინააღმდეგ, რომ მიმეღწია ფორმალურად იმისათვის, აღდგენილიყო ჩემს მიმართ სამართლიანობა, თორემ უდანაშაულო, რომ ვიყავი ამაში ბევრს არ ეპარებოდა ეჭვი. 17 წლის შემდეგ 2022 წლის 20 მაის გამოტანილი იქნა ჩემს მიმართ კანუნზიმიერი გამამართლებელი განაჩენი და დოკუმენტალურად დადასტურდა ის უკანონობა, რაც ადეიშვილის რეჟიმის კრიმინალმა პროკურორებმა და მოსამართლეებმა განახორციელეს მიზანმიმართულად, რომ ჩამოვეშორებინე პროფესიულ საქმიანობისთვის. ხანგრძლივი ბრძოლა არ არის იოლი და დიდ ნებისყოფას მოითხოვს. სასამართლოს გამამართლებელ განაჩენამდე სამმა კონსტიტუციურმა ორგანომ- საქართველოს სახალხო დამცველმა, საქართველოს ადვოკატთა ასოციაციამ და საქართველოს გენერალურმა პროკურატურამ დაადგინა ის, რომ ვიმყოფებოდი უკანონო პატიმრობაში და ადგილი ქონდა ჩემს მიმართ დანაშაულებრივ ქმედებებს. არ უნდა შედრკეს ადამიანი და ყოველთვის უნდა იბრძოლოს საკუთარი და სხვათა უფლებების დასაცავად რა სიძნელებიც არ უნდა გეღობებოდეს ბრძოლის გზაზე.

ბევრი კოლეგისგან მიგრძვნია გესლი და ბალღამი პროფესიულ საქმიანობაში კლიენტებთან მიმართებაში, რომ ჭორაობდენ ნასამართლევია და ასე შემდეგ. ავრცელებდნენ შეთხზულ სიბინძურეს.თუმცა არავის აზრი არ მაინტერისებდა, რადგან ყველსთვის მოსაწონი ვერ იქნები და ადამიანებმა იციან უსაფუძვლოდ ამოჩემება. მადლობა ჩემ კოლეგებს, რომლებსაც გულწფელად მედგნენ გვერდით. ბრძოლას ყოველთვის აქვს აზრი და კვლავ ვაგრძელებ ბრძოლას და ამისთვის დასახული მაქვს შემდეგი ეტაპები. დამნაშავები უნდა დაისაჯონ, რომ კვლავ სურვილი არ გაუჩნდეთ უდანაშაულო ადამიანების მიმართ ანგარიშსწორების. იბრძოლეთ და მოიპოვეთ თავისუფლებათ თქვენთვის და სხვებისთვის” _ წერს სოციალურ ქსელში მამუკა ნოზაძე და შესაბამის დოკუმენტებს აქვეყნებს.

euronews.ge და  qronika.ge ულოცავს ადვოკატ მამუკა ნოზაძეს გამარჯვებას და წარმატებას უსურვებს. 

დატოვეთ კომენტარი

კომენტარები

მსგავსი სიახლეები

Back to top button
Close