,,ამომრჩევლის ინფორმირების მიზნით „საერთაშორისო გამჭვირვალობა – საქართველო“ სწავლობს 2020 წლის საპარლამენტო არჩევნებისთვის პოლიტიკური პარტიების მიერ წარდგენილ მაჟორიტარობის კანდიდატებს – მათ სამეწარმეო საქმიანობასა და პოლიტიკურ შემოწირულებებს. კვლევაში იხილავთ „ქართული ოცნება – დემოკრატიული საქართველოს“ მიერ წარდგენილი კანდიდატების მონიტორინგის შედეგებს. მომავალში გამოქვეყნდება კვლევა სხვა პარტიების მაჟორიტარი დეპუტატების კანდიდატების შესახებ.

ჩვენ შევისწავლეთ ამ ადამიანების და მათი ოჯახის წევრების ბიზნეს საქმიანობა, მათი კომპანიების მონაწილეობა სახელმწიფო ქონების პრივატიზაციასა და სახელმწიფო შესყიდვებში 2012 წლიდან 2020 წლის 20 აგვისტომდე, ამ პირების და მათი ბიზნესპარტნიორების პოლიტიკური შემოწირულებები და კანდიდატად წარდგენილი ყოფილი თანამდებობის პირების ქონებრივი მდგომარეობის დეკლარაციები.

ძირითადი მიგნებები:

  • მაჟორიტარობის კანდიდატების ნახევარზე მეტი – 30-დან 19 – ჩართულია სამეწარმეო საქმიანობაში (17 – თავად და მისი რომელიმე ოჯახის წევრი, ხოლო 2-ის მხოლოდ ოჯახის წევრი). ეს 19 კანდიდატი, მთლიანობაში, სხვადასხვა ფორმით, დაკავშირებულია 186 კომპანიასთან.
  • მაჟორიტარობის 30 კანდიდატიდან 14 პირადად იყო 2012-20 წლებში „ქართული ოცნების“ შემომწირველი. მთლიანობაში მათ „ქართულ ოცნებას“ 740,826 ₾ შესწირეს. ესენი არიან: ბექა ოდიშარია, გიორგი ვოლსკი, ლევან კობიაშვილი, გოგი მეშველიანი, ზაალ დუგლაძე, სამველ მანუკიანი, გოჩა ენუქიძე, პაატა კვიჟინაძე, ბეჟან წაქაძე, გივი ჭიჭინაძე, ზაზა ლომინაძე, ირაკლი ხახუბია, ირაკლი ჩიქოვანი და ანზორ ბოლქვაძე.
  • მსხვილი პოლიტიკური შემომწირველები არიან სამეწარმეო საქმიანობით დაკავებული მაჟორიტარობის კანდიდატთა ბიზნესპარტნიორებიც. მთლიანობაში, მაჟორიტარობის კანდიდატებმა, მათმა ოჯახის წევრებმა და ბიზნესპარტნიორებმა 2012-2020 წლებში ქართულ ოცნებას 3,702,826 ₾ შესწირეს.
  • მაჟორიტარ კანდიდატთა შორის ყველაზე მსხვილი შემომწირველები (ოჯახისა და ბიზნესპარტნიორების ჩათვლით) არიან: გოჩა ენუქიძე – 1,254,000 ₾; ზაალ დუგლაძე – 990,000 ₾; ირაკლი ხახუბია 458,000 ₾; დავით სონღულაშვილი – 340,000 ₾; და ბეჟან წაქაძე – 320,000 ₾.
  • სამეწარმეო საქმიანობით დაკავებულ მაჟორიტარობის 8 კანდიდატთან ამჟამად დაკავშირებულ კომპანიებს სახელმწიფო შესყიდვებში მონაწილეობის ისტორია აქვთ. მთლიანობაში, 2012-2020 წლებში, ტენდერებითა და გამარტივებული შესყიდვების გზით ამ კომპანიებს მიღებული აქვთ 4,364,109 ₾ (ტენდერი – 623,450 ₾; გამარტივებული შესყიდვა – 3,740,659 ₾).
  • მაჟორიტარობის 6 კანდიდატს (დავით სონღულაშვილი, ბექა ოდიშარია, ზაალ დუგლაძე, გოჩა ენუქიძე, ზაზა ლომინაძე და ირაკლი ხახუბია) სახელმწიფო ქონების პრივატიზაციაში აქვს მონაწილოება მიღებული: 2013-2020 წლებში მათ ან მათმა კომპანიებმა 758,300 ₾-ად შეისყიდეს სახელმწიფო უძრავი ქონება და 2,210,000 ₾-ად – სახელმწიფო საწარმოებს წილები.
  • ორი კანდიდატის შემთხვევაში (დავით სონღულაშვილი და ირაკლი ხახუბია), მათთან დაკავშირებულ კომპანიას სახელმწიფო დაფინანსება აქვს მიღებული პროგრამის „აწარმოე საქართველოში“ ფარგლებში – მთლიანი ინვესტიცია შეადგენს 12,646,900 ₾-ს.
  • მაჟორიტარობის 30 კანდიდატიდან 6 არ ეწევა სამეწარმეო საქმიანობას და არ განუხორციელებია პოლიტიკური შემოწირულება. ესენი არიან: სოზარ სუბარი, ნოდარ ტურძელაძე, დავით სერგეენკო, შალვა კერესელიძე, ზაურ დარგალი და ნინო ლაცაბიძე.
  • „ქართული ოცნების“ მაჟორიტარობის 6-მა კანდიდატმა 2012 წელს მაშინდელ მმართველ პარტიას, ერთიან ნაციონალურ მოძრაობას შესწირა თანხა. ესენი არიან: ბექა ოდიშარია, დავით სონღულაშვილი, გოჩა ენუქიძე, ზაალ დუგლაძე, ირაკლი ხახუბია და ანზორ ბოლქვაძე.

30 მაჟორიტარი დეპუტატობის კანდიდატიდან 17 მოქმედი ან ყოფილი თანამდებობის პირია, რომლებსაც 2019-20 წლებში ქონებრივი დეკლარაცია აქვთ შევსებული. მათ მიერ შევსებულ ბოლო დეკლარაციებში შემდეგი დარღვევები გამოვლინდა:

  • მაჟორიტარი დეპუტატობის 5 კანდიდატს არასრულად ან საერთოდ არ აქვს დეკლარირებული, მისი ან/და ოჯახის წევრის საკუთრებაში არსებული კომპანიები: დავით სონღულაშვილიალექსანდრე მოწერელიაანზორ ბოლქვაძეირაკლი ხახუბია და რესან კონცელიძე.
  • 6 შემთხვევაში თანამდებობის პირს კერძო კომპანიაში არსებული წილი მართვის უფლებით სხვა პირისთვის არ გადაუცია. გარდა იმისა, რომ ეს კანონდარღვევაა, ეს მიანიშნებს იმაზე, რომ ამ თანამდებობის პირებმა ფორმალურადაც არ თქვეს უარი მათი წილების მართვაზე. ესენი არიან: ლევან კობიაშვილიდავით სონღულაშვილისამველ მანუკიანიირაკლი ხახუბია, გოჩა ენუქიძე და ირაკლი ქადაგიშვილი.

გასათვალისწინებელია, რომ „საერთაშორისო გამჭვირვალობა – საქართველო“ მოკლებულია შესაძლებლობას, შეამოწმოს, არის თუ არა კვლევაში ნახსენები კომპანიები აქტიური, რადგან ამ მიზნისთვის საჭირო ინფორმაცია წარმოადგენს საგადასახადო საიდუმლოებას”.

კვლევის ყველაზე ვრცელი ნაწილი გურჯაანის მაჟორიტარი დეპუტატის, ამჟამად გურჯაანის, საგარეჯოს, დედოფლისწყაროს და სიღნაღის მაჟორიტარობის კანდიდატის, დავით სონღულაშვილისა და მისი კომპანიების მიერ ფულის ტრიალს ეძღვნება. აი, რას წერს სონღულაშვილზე „საერთაშორისო გამჭვირვალობა – საქართველო“ კვლევაში:

,,დავით სონღულაშვილი

გურჯაანის, საგარეჯოს, დედოფლისწყაროს და სიღნაღის მაჟორიტარობის კანდიდატი
ამჟამად: გურჯაანის #24 მაჟორიტარული ოლქის დეპუტატი

პარლამენტის წევრი დავით სონღულაშვილი და მისი ოჯახი (მეუღლე – ქეთევან მაღულარია, მამა – ბიძინა სონღულაშვილი და ძმა – იოსებ სონღულაშვილი) აქტიურად არიან ჩართული სამეწარმეო საქმიანობაში. ისინი სხვადასხვა ფორმით დაკავშირებულნი არიან 27 კომპანიასთან:

კომპანია

დავით სონღულაშვილის და მისი ოჯახის წევრების წილები

დამატებითი ინფორმაცია

შპს „გამსახურდიას 5“ 

16% – დავით სონღულაშვილი,

17% და პრეზიდენტი – იოსებ სონღულაშვილი

საჯარო რეესტრის მონაცემებით, დავით სონღულაშვილს ამ 8 კომპანიაში მისი წილები მართვის უფლებით სხვა პირისთვის არ გადაუცია. 5 კომპანიის შემთხვევაში, დეკლარაციაში წილის გადაცემა მითითებულია, თუმცა რეესტრში ეს არ არის ასახული.

შპს „გამსახურდიას 5“-მა 2016 წელს 1 მცირე (935₾) გამარტივებული შესყიდვა მიიღო

შპს „ედრესმა“ 2012-2018 წლებში 23 მცირე (5,053₾) გამარტივებული შესყიდვა მიიღო.

შპს „ედრესი

59% – დავით სონღულაშვილი,

დირექტორი – იოსებ სონღულაშვილი

შპს „პროგრესი“ 

50% – დავით სონღულაშვილი

შპს „ბელეზა“ 

100% – დავით სონღულაშვილი

დირექტორი – იოსებ სონღულაშვილი

შპს „თიეიჩ ჯორჯია

49% – დავით სონღულაშვილი

შპს „ინტერგაზი

30% – დავით სონღულაშვილი

შპს „დრაი ქლინინგ ჯორჯია“ 

16.67% – დავით სონღულაშვილი

შპს „რთველი-2002

34% – დავით სონღულაშვილი

შპს „სონნეთ ქონსთრაქშენ

პრეზიდენტი – ბიძინა სონღულაშვილი

72% და დირექტორი – იოსებ სონღულაშვილი

კომპანია ფლობს შპს „ვახუშტი ბაგრატიონის 1“-ის 100%-ს (რომლის დირექტორი ასევე არის იოსებ სონღულაშვილი)

შპს „ირანულ-ქართული აგრო საწარმო

დირექტორი – ბიძინა სონღულაშვილი

შპს „ეი-ჯი-სი-სი

49% და დირექტორი – ბიძინა სონღულაშვილი

შპს „ჯეოპროგრეს გრუპ

50% – ბიძინა სონღულაშვილი

კომპანია ფლობს შპს „ვანილი-მ“-ის 100%-ს და შპს „ჯორჯია გლობალ ინვესტის“ 40%-ს.

შპს „კოლაგი

68% – ბიძინა სონღულაშვილი

შპს „კერამიკა ელ ტორენტე +“ 

17% – ბიძინა სონღულაშვილი

შპს „გურჯაანი+“ 

75% – ბიძინა სონღულაშვილი

25% – იოსებ სონღულაშვილი

კომპანიამ 2012-2020 წლებში 52 მცირე გამარტივებული შესყიდვა (64,499₾) მიიღო.

შპს „ალალი 2007

5.5% – ბიძინა სონღულაშვილი

შპს „ჯეო თრეჟარ

100% და დირექტორი – იოსებ სონღულაშვილი

ფლობს შპს „პერლიტინვესტის“ 100%-ს

შპს „ფორფიტ“ 

100% და დირექტორი – იოსებ სონღულაშვილი

შპს „საბი

50% – იოსებ სონღულაშვილი

შპს „ტბა2012“

45% – იოსებ სონღულაშვილი

შპს „ბეიბი ზუმი

100% და დირექტორი – ქეთევან მაღულარია

შპს „კადო“ 

50% და დირექტორი – ქეთევან მაღულარია

არ არის ნახსენები დეკლარაციაში

შპს „სი ემ სი ჯგუფი“ 

33% – ქეთევან მაღულარია

დავით სონღულაშვილს არასრულად აქვს მითითებული მისი მეუღლის სამეწარმეო საქმიანობა 2020 წლის დეკლარაციაში, სადაც არ არის ნახსენები შპს „კადო“ და შპს „სი ემ სი ჯგუფი“. დეკლარაციაში მას ასევე არასწორად აქვს მითითებული მისი წილის ოდენობა შპს „თიეიჩ ჯორჯიაში“ (33% ნაცვლად 49%-სა). გარდა ამისა, დეკლარაციაში მითითებულია, რომ პარლამენტის წევრმა 5 კომპანიაში მის საკუთრებაში არსებული წილი სამართავად სხვა პირს გადასცა, თუმცა ეს ინფორმაცია არ არის ასახული საჯარო რეესტრში. გარდა ამ 5 კომპანიისა, დავით სონღულაშვილს საკუთარი წილი დროებით მართვის უფლებით სხვა პირისთვის არ გადაუცია შემდეგ კომპანიებში: შპს „ინტერგაზი,“ შპს „პროგრესი“ და შპს „თიეიჩ ჯორჯია,“ რაც საჯარო დაწესებულებაში ინტერესთა შეუთავსებლობისა და კორუფციის შესახებ კანონის დარღვევაა.

შპს „კერამიკა ელ ტორენტე +“-ს სახელმწიფო პროგრამის „აწარმოე საქართველოში“ ფარგლებში არაპირდაპირ მიღებული აქვს 10,000,000 ₾-ის დაფინანსება. ინვესტიცია გულისხმობს კერამიკული ნაწარმის წარმოებას. სახელმწიფო დაფინანსება ოფიციალურად მიღებული აქვს მსგავსი სახელის მქონე კომპანიას – შპს „კერამიკა ელ ტორენტე“, რომელიც 2019 წელს შპს „კერამიკა ელ ტორენტე +“-ს შეერწყა. თუმცა, დაფინანსების უშუალოდ მიმღები კომპანიის 17%-ს შერწყმამდეც ფლობდა დავით სონღულაშვილის მამა – ბიძინა სონღულაშვილი. 

შპს „სონნეთ ქონსთრაქშენს“ სახელმწიფოს უძრავი ქონების პრივატიზაციაში აქვს მონაწილეობა მიღებული. 2013 წლის ბოლოს კომპანიამ ელექტრონული აუქციონის პროცედურით 410,000 ლარად სახელმწიფოსგან შეიძინა თბილისში, ალექსიძის ქუჩა N1/4-ში მდებარე 1,078 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული 2 შენობა-ნაგებობა. კომპანიამ აუქციონში უკონკურენტოდ გაიმარჯვა. პრივატიზაციის საინვესტიციო პირობა გულისხმობდა საპრივატიზებო ობიექტზე განთავსებული სატრანსფორმატორო ქვესადგურის სხვა ადგილას გადატანა.

დავით სონღულაშვილი, მისი ოჯახის წევრები და მათი ბიზნესპარტნიორები მსხვილი პოლიტიკური შემომწირველები არიან. ჯამში 2016-18 წლებში მათ მმართველ პარტიას 340,000 ₾ შესწირეს. საინტერესოა, რომ შპს „გამსახურდიას 5-მა,“ იოსებ სონღულაშვილმა და მისმა ბიზნესპარტნიორმა ნუკრი ლიპარტაშვილმა ქართულ ოცნებას 2016 წელს თანხა ერთსადაიმავე დღეს – 4 ოქტომბერს შესწირეს. 

სახელი გვარი

შეწირული თანხა

მიმღები პოლიტიკური პარტია

თარიღი

კავშირი მაჟორიტარობის კანდიდატთან

შპს „გამსახურდიას 5“

120,000₾

04.10.2016

16% – დავით სონღულაშვილი

17% და პრეზიდენტი – იოსებ სონღულაშვილი

იოსებ სონღულაშვილი

40,000₾

ქართული ოცნება

13.09.2017

დავით სონღულაშვილის ძმა

60,000₾

ქართული ოცნება

04.10.2016

ბიძინა სონღულაშვილი

50,000₾

ქართული ოცნება

24.10.2016

დავით სონღულაშვილის მამა

ნუკრი ლიპარტაშვილი

60,000₾

ქართული ოცნება

04.10.2016

შპს „გამსახურდიას 5“

ვასილი ბაბლუანი

10,000₾

სალომე ზურაბიშვილი

03.12.2018

შპს „კერამიკა ელ ტორენტე +“

სულ

340,000₾

პირადად დავით სონღულაშვილმა 2012 წელს 7,000₾ შესწირა „ერთიან ნაციონალურ მოძრაობას“.

გამოდის, რომ ,,ოცნება” სონღულაშვილების ვალშია და ამიტომაც, პარლამენტში მის დასაბრძანებლად, ბოლომდე იბრძოლებს. დავით სონღულაშვილსაც ცხადია, სურს, რომ  საკანონმდებლო ორგანოდან უკეთ გაუწიოს ლობირება ოჯახურ ბიზნესებს, მაგრამ საკითხავია, რა ვალი აქვს სონღულაშვილების გურჯაანელ, სიღნაღელ, დედოფლისწყაროელ და საგარეჯოელ ხალხს? რატომ უნდა მისცეს ხმა დავით სონღულაშვილს?

წყარო: https://www.facebook.com/tigeorgia

 

 

დატოვეთ კომენტარი

კომენტარები