საზოგადოება

სილამაზის სალონების მიმართ რეგულაციები ამოქმედდა

თბილისში სილამაზის სალონების ოფიციალური შემოწმება გრძელდება და დღეიდან უკვე ოფიციალური ჯარიმის ოქმები გამოიწერება. შემოწმებას ქალაქ თბილისის გადამდებ დაავადებათა ეპიდზედამხედველობისა და კონტროლის მუნიციპალური ცენტრი ახორციელებს.

შემოწმების პირველ ეტაპზე, სალონებს მიეცათ ინსტრუქციები, რომელიც შესაბამისი პროტოკოლით არის განსაზღვრული და რომლის შესრულებაც აუცილებელია, რათა მსგავს დაწესებულებებში ინფექციების გავრცელება არ ხდებოდეს. ინფორმაციას Commersant ავრცელებს.

შემოწმება ორი მიმართულებით მიმდინარეობს. არის თუ არა სალონი საჯარო რეესტრში რეგისტრირებული და ახორციელებს თუ არა ინფექციის კონტროლს.

მოქმედი რეგულაციით, სალონს თუ ამ დრომდე არ აქვს საზოგადოებრივი მნიშვნელობის ობიექტის სტატუსი, მას 500 – ლარიანი სანქცია დაეკისრება. ამ შემთხვევაში სალონის ინფექციურ დაავადებებზე შემოწმება აღარ გაგრძელდება, თუმცა, თუ იგივე ობიექტი ხელმეორე შემოწმების დროსაც არ იქნება დარეგისტრირებული, ჯარიმა გაორმაგდება.

ესთეტიკური ცენტრებისა და სილამაზის სალონების რეგისტრაცია სავალდებულო 1 ოქტომბრიდან გახდა. ჯანდაცვის სამინისტროს ინფორმაციით, 1 ოქტომბრიდან, ყველა ის დაწესებულება, რომელიც რეგისტრაციის გარეშე განაგრძობს საქმიანობას, დაჯარიმდება. უწყების ცნობით, სილამაზის სალონების შემოწმება ეტაპობრივად მოხდება.

თბილისის მერიის გადამდებ დაავადებათა ეპიდზედამხედველობისა და კონტროლის ცენტრის ინფორმაციით, თბილისში 2 ათასამდე რეგისტრირებული სალონია.

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close