საზოგადოება

საქართველოში შტადლერმა შესაძლოა ვაგონმწარმოებელი და ვაგონშემკეთებელი ქარხანა ააშენოს

მსოფლიოში მატარებლების მწარმოებელი შვეიცარიული კომპანია შტადლერ რეილ ეი ჯი (Stadler Rail AG) საქართველოში ვაგონმწარმოებელი და ვაგონშემკეთებელი ქარხნის აშენების პერსპექტივას განიხილავს.

მემორანდუმს, რომლის მიხედვითაც, კომპანია საქართველოში ინვესტირების შესაძლებლობებს შეისწავლის, დღეს შტადლერის პრეზიდენტი და საქართველოს ეკონომიკისა და მდგრადი განვითარების მინისტრი მოაწერენ ხელს.

შტადლერ რეილ ეი ჯის მიერ საქართველოში ინვესტიციის განხორციელების პერსპექტივაზე დღეს გიორგი კვირიკაშვილმა მთავრობის სხდომაზე ისაუბრა:

“მოხარული ვართ, რომ დღეს ვიწყებთ ამ ძალიან მნიშვნელოვან თანამშრომლობას”.

გიორგი კვირიკაშვილის შეფასებით, მსგავსი გადაწყვეტილება ასეთი დონის კომპანიის მხრიდან საქართველოს საინვესტიციო გარემოს მიმზიდველობაზე საუბრობს.

შტადლერის ორსართულიანი მატარებლები საქართველოს რკინიგზაში გასულ წელს შემოვიდნენ.

on.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close