რელიგია | ისტორია

საქართველოს რომელ ეკლესიაშია დაცული წმინდა გიორგის ისარი?

,, გიორგობას გილოცავთ, ჩემი მშობლიური ეცერის თემის სოფელ ქურაშის წმიდა გიორგის ეკლესიაში დაცულია ისრის ფოტოთი. ეს ისარი, გადმოცემით, საქართველოს მხსნელის – წმიდა გიორგისადმია მიძღვნილი და სათუთად არის დაცული ეკლესიაში, მისი მადლიანი მცველების მიერ.

15107227_1554055004611396_5538605073094417188_n

ერთ გადმოცემასაც მოგიყვებით: უხსოვარ დროში, როდესაც მშვილდ-ისრებით იბრძოდნენ და თოფები ჯერ არ არსებობდა, სვანეთს თათრები შემოესივნენ, თათრებს ქართველების სრული ამოწყვეტა და მათ მიწა-წყალზე დასახლება სდომებიათ. ურიცხვი ყოფილა თათრების ჯარი. ერთ ქართველზე ასი კაცი მოდიოდა. იბრძოდნენ სვანები, მაგრამ გაუჭირდათ, განახევრდა მათი ჯარი. სვანების ჯარს ერთხმად დაუჩოქია და წმიდა გიორგის დახმარებას შევედრებია. მყისვე ცის კაბადონზე წმიდა გიორგი გამოჩენილა, ერთ მახლობელ გორაკზე გაჩერებულა და იქიდან თავისი მშვილდ-ისრით მტერი ერთიანად ამოუხოცავს. ასე გადაურჩენია რამდენჯერმე  სვანეთი წმიდა გიორგის და ამის მერე ხალხს მისთვის სიყვარულით  _ „წმიდა გიორგი მოისარი“ შეურქმევია.

 მკითხველი ადვილად ამოიცნობს დიდგორის „ძლევაი საკვირველის“ სიუჟეტს ამ ხალხურ გადმოცემაში და იგი თვალსაჩინო ნიმუშია ისტორიის რეპრეზენტაციისა“ _ წერს ფეისბუქის საკუთარ გვერდზე წმინდა ანდრია პირველწოდებულის სახელობის ქართული უნივერსიტეტის, საქართველოს ეროვნული მუზეუმის თანამშრომელი, ეთნოლოგი როზეტა გუჯეჯიანი. 

წყარო postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close