საზოგადოება
საქართველოს ვიზალიბერალიზაციის საკითხზე ევროპარლამენტმა და ევროკავშირის საბჭომ შეთანხმებას მიაღწიეს
საქართველოსთვის ვიზალიბერალიზაციის მინიჭების საკითხზე ევროპარლამენტმა და ევროკავშირის საბჭომ პოლიტიკურ შეთანხმებას მიაღწიეს. ინფორმაცია ცოტა ხნის წინ, ევროკავშირის თავმჯდომარე ქვეყნის, სლოვაკეთის Twitter-ის ოფიციალურ გვერდზე გავრცელდა. “კარგი ამბავი საქართველოს მოქალაქეებისთვის- ევროპარლამენტსა და ევროსაბჭოს შორის ვიზალიბერალიზაციის საკითხზე პოლიტიკური შეთანხმება მიღწეულია. შემდეგი ნაბიჯი ევროკავშირის საბჭოა”-ნათქვამია განცხადებაში.
როგორც 12 დეკემბერს სლოვაკეთის საგარეო საქმეთა მინისტრმა მიროსლავ ლაიჩაკმა განაცხადა, ევროკავშირის მუდმივი წარმომადგენელთა კომიტეტი საქართველოსთვის ვიზალიბერალიზაციის საკითხს 20 იანვარს განიხილავს.
წყარო: postalioni.com
