საზოგადოება

„სანამ არ დავანებებთ თავს ეშმაკისათვის სულის ანუ ხმის მიყიდვას, არაფერი გვეშველება“

ლეიბორისტული პარტიის ლიდერი, შალვა ნათელაშვილი განცხადებას ავრცელებს და აცხადებს, რომ სანამ არ დავანებებთ  თავს ეშმაკისათვის სულის ანუ ხმის მიყიდვას, არაფერი გვეშველება. 

“სანამ ჩვენი ძვირფასი საზოგადოების გარკვეული ნაწილი აღელვებულია ჩემი 30 წლის წინანდელი, მაგრამ, თურმე მაინც სააკაშვილის მიერ, ახლახანს, ბაზალეთში 5 მილიონად აშენებულ, მშობლიურ სახლზე; იქ აგურებისა და ჩემს ბაღში ნაძვების თვლით; სანამ ვნებათაღელვაა თბილისში ჩემი სამოთახიანი ბინისა და მასში ჩემი უფანჯრო საძინებლის გამო; სანამ ჩემ 12 წლის მანქანაზე მიპყრობილია მახვილი მზერა; მანამ კაპიკ -კაპიკ ითვლება ჩემი ხელფასი, ოპერაციის ფონდი და არა სხვათა მოპარული მილიარდები; სანამ ვინმეს სჯერა, რომ ბინები მაქვს ვენაში, ლონდონში, ვაშინგტონში, პარიზში; ვიდრე კიდევ არსებობენ უბოროტესი ადამიანები, ვინც ავრცელებდა და ავრცელებს უბინძურეს ჭორებს, რომ მე ვიყავი შეკრული და ვფინანსდებოდი ჯერ შევარდნაძისაგან, მერე სააკაშვილისგან (ალბათ მალე ივანიშვილზეც იგივეს იტყვიან); რომ ვარ სადომაზოხისტი, რადგან მაწყობს ოპოზიციაში ყოფნა და ლანძღვაში ვაკეთებ ფულს; რომ მე დავუთმე ჩემთვის არარსებული საკრებულოს თავმჯდომარეობა სააკაშვილს (ან მივყიდე); რომ მე ვარ მილიონერი და სხვა ავსაქმეთა ჩამდენი…

აი, სანამ ეს ცოდვიანობა ჩვენს მიმართ გაგრძელდება, ნამდვილად არაფერი არ გვეშველება. საზოგადოება რომელიც ვერ არჩევს თეთრსა და შავს, კეთილსა და ბოროტს, გმობს მოყვასს და ემონება მტერს, განწირულია დასაღუპავად. ჩვენდამი ასეთი დაუფასებლობა და მადლიერების სრული დეფიციტი სხვა, დღევანდელ თუ მომავალ ლიდერებს, პოლიტიკოსებს, მოუსპობს მოტივაციას ჩვენსავით უანგაროდ გემსახურონ და სიცოცხლე თუ ცხოვრების ოქროს წლები შემოგწირონ. ვიდრე საზოგადოების უმადური ნაწილი არ გაიხსენებს როგორ ვებრძოდით მარტონი და ერთადერთნი, ზენიტში მყოფ შევარდნაძეს, სააკაშვილს და დღეს ივანიშვილს; მანამ არ დავანებებთ თავს ხმის მიცემას ფულის და ძალაუფლების გათვალისწინებით და მით უფრო ეშმაკისათვის სულის ანუ ხმის მიყიდვას, ნამდვილად არაფერიც არ გვეშველება”.

დატოვეთ კომენტარი

კომენტარები

მსგავსი სიახლეები

3 Comments

  1. It is appropriate time to make some plans for the future and it’s time to be happy. I’ve learn this publish and if I could I wish to counsel you some interesting things or tips. Maybe you can write next articles relating to this article. I desire to read even more issues about it!

  2. 802234 526053Wow, wonderful blog layout! How long have you been blogging for? you make blogging appear simple. The overall look of your web website is amazing, let alone the content material! 659975

  3. I have been exploring for a little for any high quality articles or blog posts in this sort of house . Exploring in Yahoo I eventually stumbled upon this website. Studying this info So i am satisfied to show that I have an incredibly excellent uncanny feeling I found out exactly what I needed. I such a lot indubitably will make certain to don’t overlook this web site and provides it a look on a relentless basis.

Leave a Reply

Your email address will not be published.

Back to top button
Close