საზოგადოება

,,სად გძინავთ, მოსყიდულო ჟურნალისტებო, მაინცდამაინც თქვენი ოჯახის წევრებს უნდა შეეხოს სიკვდილის ხელი?”

,,დღეს რომ აღიარებს ტიკარაძე, ავადმყოფების გარდაცვალების მიზეზი არა იმდენად კოვიდი, არამედ შიდა ინფექციები იყოო, მოყვა გაგრძელება ამ აღიარებას? დაიწყო გამოძიება ამ საკითზე?"

როგორ მეცინება, სიმწრის სიცილით, როცა მაღალჩინოსნები, გაბრწყინებული სახეებით გვამცნობენ, რომ თურმე საქართველოში შემოსულია კოვიდის სამკურნალო ძვირად ღირებული პრეპარატები. მთავრობავ, დაინტერესებულხარ როდესმე, აქამდე შემოტანილი რემდესივირი და სხვა წამლები, მიდიოდა ავადმყოფებამდე? სად მიჰქონდა ეს პრეპარატები სოკოებივით ყველა კუთხეში აღმოცენებულ კოვიდკლინიკებს და მათ ხელმძღვანელებს, , ვინ ამოწმებდა, როგორ და რითი მკურნალობდნენ რეანიმაციებში გადადებულ ავადმყოფებს, ვინმემ გამოიკვლია, რა არის საქართველოში კოვიდით სიკვდილიანობის ასეთი მაღალი მაჩვენებლის მიზეზები? ვინმემ პასუხი მოთხოვა კლინიკების ექიმებს ან ხელმძღვანელებს, ვისაც მაღალი სიკვდილიანობა გამოუვლინდათ? დღეს რომ აღიარებს ტიკარაძე, ავადმყოფების გარდაცვალების მიზეზი არა იმდენად კოვიდი, არამედ შიდა ინფექციები იყოო, მოყვა გაგრძელება ამ აღიარებას? დაიწყო გამოძიება ამ საკითზე? საზოგადოება რატომ არაა ინფორმირებული ამის შესახებ, კოვიდის შედეგები ხომ ყველას შეგვეხო. რატომაა ტაბუირებული ამ პრობლემის შესწავლა? სად გძინავთ, მოსყიდულო ჟურნალისტებო, მაინცდამაინც თქვენი ოჯახის წევრებს უნდა შეეხოს სიკვდილის ხელი, რომ გამოფხიზლდეთ? რატომ არ აწარმოებთ ჟურნალისტურ გამოძიებას? როდესმე მაინც ყველაფერი გამომჟღავნდება. ფარდა აეხდება ფარისეველთა სიცრუეს, რომელიც კოვიდ პაციენტების მკურნალობას შეეხება. ნუ გვაღიზიანებთ მაღალჩინოსნებო, ნაირ-ნაირი მედიკამენტების დასახელებით, რომლებიც ვითომ ჩვენი-რიგითი მოქალაქეების სამკურნალოდ შეისყიდა სახელმწიფომ, როცა იცით, რომ ამ მედიკამენტებს უბრალო ადამიანებს თვალით არავინ დაანახებს და მავანი მათი მეშვეობით მშვენივრად მოითბობს ხელს.

ნანა ირემაშვილი, პედაგოგი

დატოვეთ კომენტარი

კომენტარები

მსგავსი სიახლეები

Back to top button
Close