საზოგადოება

რუსი სენატორი: საქართველოსთვის უვიზო რეჟიმის მინიჭების გადაჭარბებულად შეფასება არ ღირს

რუსეთის ფედერაციის საბჭოს საერთაშორისო კომიტეტის ხელმძღვანელმა კონსტანტინ კოსაჩევმა განაცხადა, რომ არ ღირს ევროკავშირსა და საქართველოს შორის უვიზო რეჟიმის ამოქმედების ფაქტის გადაჭარბებულად შეფასება. მისი თქმით, აღნიშნული ფაქტი არანაირად აისახება რუსეთი-საქართველო-ევროკავშირის კონტექსტზე.

“ევროპარლამენტის გადაწყვეტილებას, ორმხრივი (რუსეთი და საქართველო) ურთიერთობის კონტექსტში არ განვიხილავ”, – აცხადებს კოსაჩევი.

მისი თქმით, ევროპარლამენტის გადაწყვეტილებამ, შესაძლოა, თავად საქართველოში არსებული განწყობის სტაბილიზაცია მოახდინოს.

რუსმა სენატორმა ხაზგასმით აღნიშნა, რომ რუსეთისა და საქართველოს კონფლიქტი გაიწელა, დიპლომატიური ურთიერთობა უკვე ათი წელია, რაც არ არსებობს და ამასთან, საქართველო ოდნავადაც კი არ მიახლოებულა აფხაზეთთან  და სამხრეთ ოსეთთან დაკავშირებული საკითხების გადაწყვეტას. კოსაჩევის თქმით, ევროპარლამენტის მიერ მიღებული გადაწყვეტილება, რუსეთს, საქართველოსა და ევროკავშირს შორის არსებულ ურთიერთობას არ ცვლის.

შეგახსენებთ, რომ 2 თებერვალს, ევროპარლამენტმა საქართველოს მოქალაქეებისათვის უვიზო მიმოსვლის რეჟიმის შემოღებას კენჭი უყარა და საბოლოო დადებითი გადაწყვეტილება მიიღო. მომხრე 553 დეპუტატი იყო, წინააღმდეგი – 66, ხოლო 28 დეპუტატმა თავი შეიკავა.

ipress.ge

დატოვეთ კომენტარი

კომენტარები

მსგავსი სიახლეები

One Comment

Leave a Reply

Your email address will not be published.

Back to top button
Close