საზოგადოება

როდის თქვა სიმართლე მცხეთის საკრებულოს დეპუტატმა – 2011 თუ 2016 წელს?

გუშინ, მცხეთის საკრებულოს დეპუტატებმა განცხადება გააკეთეს „ქართული ოცნების“ კანდიდატის დემიტრი ხუნდაძისაგან გამიჯვნასა და ცეზარ ჩოჩელის მხარდაჭერასთან დაკავშირებით. მათ შორის იყო ქალაქ მცხეთის საკრებულოს დეპუტატი ვაჟა თათარაშვილი, რომელმაც ღია მხარდაჭერა გამოუცხადა ცეზარ ჩოჩელს. ჩვენ ამ დეპუტატის ისტორიით დავინტერესდით, რადგან სოციალურ ქსელში მის მიერ 2011 წელს „ეროვნულ ფორუმში“  წარდგენილი ბრიფინგი ვიპოვეთ, სადაც სწორედ მცხეთა-მთიანეთის მაშინდელ გუბერნატორზე, ცეზარ ჩოჩელზე იყო საუბარი.

„ეროვნული ფორუმის“  მცხეთის მაშინდელი რაიონული ორგანიზაციის თავმჯდომარე ვაჟა თათარაშვილი  ცეზარ ჩოჩელს კორუფციაში და კანონდარღვევებში ამხელს და მის მიერ გადაღებულ ვიდეო-მასალასაც ასაჯაროებს. ბრიფინგის დროს თათარაშვილს ხშირად მოჰყავდა ჩოჩელის სიტყვები – „მცხეთაში ქვაც კი ჩემია“.   დღეს ვაჟა თათარაშვილი მხარდაჭერას უცხადებს იმ ადამიანს, რომელსაც მცხეთაში ქვაც კი თავისად მიაჩნდა.

საინტერესოა, რამ შეცვალა დღეს უკვე მცხეთის საკრებულოს დეპუტატი? ჩვენ დაგვაინტერესა მისმა პოლიტიკურმა ისტორიამ და აღმოჩნდა, რომ ის 2012 წელს „ეროვნული ფორუმიდან“ გარიცხეს არასაიმედო ქმედების გამო. შემდეგ ის წარმოადგენდა მცხეთაში „ბურჯანაძე-დემოკრატებს“, მოგვიანებით „პატრიოტთა ალიანსს“, რომლისაგანაც ასევე გარიცხულ იქნა. დღეს თათარაშვილი  უპარტიოა, ჩოჩელსაც პარტია არ აქვს და საინტერესოა, რომელ პარტიაზე შეაჩერებს არჩევანს? თუ თათარაშვილი „ქართული ოცნებისკენ“ იხედება, გუშინ მან და მისმა თანამზრახველებმა მმართველი პარტიისგან  მკვახე პასუხი მიიღეს. „ქართულმა ოცნებამ“ კიდევ ერთხელ აღნიშნა, რომ მცხეთაში ნდობას მხოლოდ დიმიტრი ხუნდაძეს უცხადებენ და ნებისმიერ კანდიდატზე რეკომენდაციებსაც ალბათ მხოლოდ მისგან მიიღებენ.

ჩვენთვის პასუხგაუცემელი  რჩება ერთადერთი კითხვა – როდის თქვა სიმართლე მცხეთის საკრებულოს დეპუტატმა ვაჟა თათარაშვილმა – 2011 თუ 2016 წელს?  ამჯერად პასუხი მკითხველისთვის მიგვინდვია.

 გთავაზობთ 2011 წლის ვიდეო ჩანაწერს „ეროვნული ფორუმის“ ოფისიდან:

წყარო postalioni.com

 

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close