როგორ მოვამზადოთ დონატები?

მშრალი ინგრედიენტები ერთმანეთში აურიეთ. სოდა გახსენით მაწონში და დაამატეთ მშრალ მასას. კვერცხი და შაქარი მიქსერით მანამ თქვიფეთ, სანამ მასა არ გაორმაგდება, გათეთრდება და შაქარი კარგად არ გაიხსნება. შემდეგ ეს მასაც მშრალ ინგრედიენტებს შეურიეთ და კარგად ათქვიფეთ. კარაქის ნახევარი გაადნეთ და ცომს დაუმატეთ, ჩააყარეთ ვანილი და კვლავ მოურიეთ. დიდხანს არ ზილოთ, რომ ცომი არ გამაგრდეს. ცომი ფქვილმოყრილ ზედაპირზე გადაიტანეთ, გაყავით ორად და გააბრტყელეთ ნახევარი სანტიმეტრის სისქეზე. ჩაასხით ქვაბში ზეთი და გააცხელეთ. ცომისგან სასურველი ფორმები გამოჭერით, ჩააგდეთ ცხელ ზეთში და ორივე მხრიდან დაბრაწეთ. შოკოლადი და დარჩენილი კარაქი ერთად გაადნეთ. დაბრაწული დონატები  ჩააწყეთ  ამ მასაში და ზემოდან ქოქოსის ფანტელები მოაყარეთ. შეგიძლიათ, გამოიყენოთ თხილი ან შოკოლადი.