საზოგადოება

როგორ ემზადებიან კლუბ-რესტორნები 1–ელი მაისისთვის

1–ელი მაისიდან საზოგადოებრივი თავშეყრის ადგილები თამბაქოს კვამლისგან თავისუფალ ზონებად ცხადდება. კანონის ამოქმედება სიმბოლურად ემთხვევა მშრომელთა საერთაშორისო სოლიდარობის დღეს.

მოწევის კანონით აკრძალვა, თან 1–ელი მაისიდან, თავის თავში არამწეველი მოქალაქეების მიმართ არასოლიდარულ დამოკიდებულებას მოიაზრებს.

თამბაქოს მოხმარება აიკრძალება ყველა დახურულ სივრცეში, გარდა კანონით განსაზღვრული ცალკეული ადგილებისა.

კერძოდ, მოწევა ნებადართული იქნება საცხოვრებელ სახლსა და პენიტენციურ დაწესებულებაში, სპეციალური ნებართვის საფუძველზე მოწყობილ სიგარაბარებსა და სამორინეებში, ასევე აეროპორტის სატრანზიტო ზონაში.

რამდენად მომზადებულები ხვდებიან საქართველოში არსებული კლუბ-რესტორნები თამბაქოს მოხმარების აკრძალვას?

რესტორან „თავადურში“ თამბაქოს მოხმარების აკრძალვას მიესალმებიან და ამბობენ, რომ სტუმრების გაფრთხილება უკვე დაიწყეს.

„ყველანაირ ღონისძიებას ვატარებთ სტუმრების დროზე ადრე გასაფრთხილებლად, რომ ჩვენთან აიკრძალება სიგარეტის მოწევა დარბაზში“, – განუცხადა „პირველს“ „თათვადურის“ მენეჯერმა ანჟელა წოწორიამ.

ის კანონის აღსრულების პროცესში პრობლემებს მხოლოდ ქართველი სტუმრებისგან ელოდება.

„უცხოელები შეგუებულები არიან და დიდი ხანია გვეკითხებიან – რატომ არ არის ისეთი დარბაზები, სადაც აკრძალული იქნება მოწევა“, – ამბობს რესტორან „თავადურის“ მენეჯერი.

1–ელ მაისს მომზადებული ხვდება რესტორანი „ძველი მეტეხიც“ და მისი დირექტორი ნუგზარ მაჭარაშვილი აცხადებს, რომ უკვე შეიძინეს თამბაქოს მოწევის ამკრძალავი ნიშნები, ასევე გამოყოფილი აქვთ მწეველებისთვის სპეციალური ადგილი.

„ქართული საზოგადოება გვინდა რომ შევაჩვიოთ გარეთ მოწევას, თორემ 90% ჩვენი მომხარებლების უცხოელია, რომლებიც გარეთ ეწევიან“, – აღნიშნა „პირველთან“ ნუგზარ მაჭარაშვილმა.

კანონის დაცვის პროცესში ცალკეულ პრობლემებს არც ნუგზარ მაჭარაშვილი გამორიცხავს.

ამასთან, მისივე თქმით, „თუ კანონი რეალურად იკანონებს და ყველაზე ერთნაირად გავრცელდება, მომხმარებელთა რაოდენობა არ შემცირდება, მით უფრო იმ ფაქტორიდან გამომდინარე, რომ სტუმრების დიდი ნაწილი უცხოელია“.

ნუგზარ მაჭარაშვილი ზოგადად დახურულ სივრცეებში თამბაქოს აკრძალვას მიესალმება და ამბობს, რომ ეს იქნება შვება არამწეველი პერსონალისთვის.

„თამბაქოს კონტროლის შესახებ“ კანონის მოთხოვნათა სრულ დაცვას აპირებენ ლუდის რესტორანში „ბანოვანი“, რომლის აღმასრულებელი დირექტორი ოთარ აფხაზიშვილი განმარტავს, რომ ექნებათ ღია სივრცე, სადაც მწეველები მოთავსდებიან:

„თამბაქოს მოწევის ამკრძალავ ნიშნებს მოგვაწვდიან. ჩვენთან რებრენდინგი მოხდა, სავარაუდოდ, 1-ში გაიხსნება ახალი რესტორანი, ახალი კანონმდებლობითა და შეცვლილი გარემოთი.ვერანდასაც ვიერთებთ. გვექნება დიდი ღია სივრცე, სადაც მომხმარებელს თამბაქოს მოწევა შეეძლება“,-აღნიშნა „პირველთან“ ოთარ აფხაზიშვილმა. მისი შეფასებით, დახურულ სივრცეებში თამბაქოს მოწევის აკრძალვის გამო, სტუმრები ნაკლებ თამბაქოს მოიხმარენ:

რას ფიქრობენ კლუბებში თამბაქოს მოწევის აკრძალვაზე

„თამბაქოს კონტროლის შესახებ“ ახალი კანონის დაცვას კლუბების დიდი ნაწილიც აპირებს, თუმცა მიაჩნიათ, რომ ამ პროცესში მეტ პრობლემას წააწყდებიან, ვიდრე რესტორნები.

„ამ კანონს აუცილებლად დავიცავთ. ჩვენი პარტნიორია სიგარეტის კომპანია, რომლისგანაც მუდმივად ვყიდულობთ სიგარეტს და მათთან შეთანხმებით მოწყობილი გვაქვს შესაბამისი სივრცეები, გვაქვს ეზო და დიდი ვერანდა, სადაც იქნება დაშვებული მოწევა, დარბაზებში კი აიკრძალება,-აღნიშნავს კლუბის „მტკვარზე“ დამფუძნებელი/მენეჯერი ქეთა გაბუნია.

ის არ ფიქრობს, რომ კლიენტების რაოდენობა შეუმცირდება, რადგან სჯერა, საზოგადოება ამ პრაქტიკას მალე მიეჩვევა.

თუმცა, ამავე დროს, ქეთა გაბუნია აღნიშნავს, რომ კანონი ბიზნესის თავისებურებებს არ ითვალისწინებს და ზედმეტად მკაცრია იმ კლუბებისთვის, რომლებსაც ღია სივრცეები არ აქვთ.

თამბაქოს მოწევის აკრძალვას მომზადებული ხვდებიან კლუბ „დეჟავუ“-შიც, სადაც დახურულ ივენთებზე მუშაობენ და სტუმრებს წინასწარ გააფრთხილებენ, რომ მოწევა აკრძალულია. რაც შეეხება მწეველ სტუმრებს, მათ მოსაწევ ადგილს კლუბის შესასვლელთან – ქუჩაში გამოუყოფენ:

„მზად ვართ, დავიცავთ კანონი. სპეციალურ ადგილსაც ვაკეთებთ შენობის შესასვლეთან, სადაც მწეველები განთავსდებიან და ქუჩაში მოწევენ.ჩვენ დახურელ ივენთებზე ვმუშაობთ, ღია კარი არ არის, რომ ნებისმიერი სტუმარი შემოვიდეს. წინასწარ ვუთანხმდებით სტუმრებს და ვეტყვით, რომ მოწევა არ შეიძლება“,-აღნიშნა კლუბ „დეჟავუ“-ს მენეჯერმა მამუკა ხოჯერიამ.

კლუბ „რუფტოპ ტერასა“-ს ზაფხულობით ღია სივრცე ისედაც აქვს. ზამთრამდე კი, იმედოვნებენ, მოქალაქეები თამბაქოს მოწევაზე აკრძალვებს მიეჩვევიან:

„გვაქვს ერთი დიდი სივრცე, მაგრამ ნახევარი ღიაა, ნახევარი- დახურული. ტერასის მხარე სულ ღიაა ზაფხულში. ზამთარში, როცა შეიფუთება, რა თქმა უნდა, აიკრძალება მოწევა. დახურულ ნაწილში კი 1 მაისიდან უკვე ავკრძალავთ მოწევას“,-ამბობს კლუბის პიარ და ივენთ მენეჯერი მაცაცო კევლიშვილი და აქვე დასძენს, რომ ამ პირობებში მოწევის გაკონტროლება რთული იქნება.

მაცაცო კევლიშვილი კონკურენტი ობიექტებისგან პროვოკაციულ ქმედებებსაც არ გამორიცხავს.

სხვა კლუბებისგან განსხვავებული პოზიცია აქვთ კლუბ „ხიდში“, სადაც პირდაპირ ამბობენ, რომ „თამბაქოს კონტროლის შესახებ“ კანონის აღსრულებისთვის მზად არ არიან:

„არ მოგვეცა საშუალება, შიგნით გაგვეკეთებინა მოსაწევი ზონები. ჩვენი კლუბი 1500 კაცამდეა გათვლილი და აქვს ერთი გასასვლელი. ფანჯარა, აივანი, ან რამე მსგავსი არ გვაქვს. ამიტომ, მეტი დაცვაც რომ დავამატოთ, მოწევის გაკონტროლება შეუძლებელია. ღია სივრცის მოწყობის შესაძლებლობა „ხიდს“ არ აქვს. ერთადერთი გზაა, ადამიანი ქუჩაში გავიდეს და შემდეგ ახლიდან უნდა გაიარონ კონტროლი. ამდენი ადამიანის შემთხვევაში ამის გაკეთება შეუძლებელია და ყველა, ვინც მწეველია, მოწევს შიგნით. ვერ ვხდებით, როგორ უნდა ვებრძოლოთ ამას. ეს ჩვენთვის ძალიან დამღუპველი იქნება“, – აცხადებს „პირველთან“ კლუბ „ხიდის“ დამფუძნებელი თამარ აქსანდერი.

„ხიდის“ მფლობელი კლუბებში თამბაქოს მოწევის დაშვების მოთხოვნით პეტიციის მომზადებას აპირებს და იმედი აქვს, მას სხვა კლუბებიც შეუერთდებიან.

კანონის ძალაში შესვლის შემდეგ, შენობაში თამბაქოს მოხმარებისთვის, იურიდიული პირის შემთხვევაში ჯარიმა 500 ლარიდან, ფიზიკური პირის შემთხვევაში კი 50 ლარიდან დაიწყება.

ჯანდაცვის მსოფლიო ორგანიზაციის მონაცემებით, მსოფლიოში, თამბაქოს მოხმარების გამო, ყოველწლიურად დაახლოებით 6 მილიონი ადამიანი იღუპება. დაახლოებით 600 000 ადამიანის ნაადრევი სიკვდილის მიზეზი კი ე.წ. პასიური მწეველობაა. პასიური მწეველობით დაღუპულთა 31% ბავშვებზე, ხოლო 64% კი ქალებზე მოდის.

pia.ge

დატოვეთ კომენტარი

კომენტარები

მსგავსი სიახლეები

11 Comments

  1. Howdy! I’m at work surfing around your blog from my new apple iphone! Just wanted to say I love reading your blog and look forward to all your posts! Keep up the outstanding work!

  2. 586927 408235Right after study several with the weblog posts on your personal internet site now, we genuinely like your way of blogging. I bookmarked it to my bookmark internet web site list and are checking back soon. Pls consider my web-site likewise and make me aware in case you agree. 635800

  3. Hi! This post could not be written any better! Reading through this post reminds me of my old room mate! He always kept talking about this. I will forward this page to him. Fairly certain he will have a good read. Thank you for sharing!

  4. 860726 299148You produced some decent points there. I looked on the internet for that difficulty and located most people will go in addition to with the internet site. 627038

  5. 693661 776940Hi there. Very cool web site!! Guy .. Beautiful .. Great .. I will bookmark your site and take the feeds additionallyI am glad to locate so considerably valuable information correct here inside the post. Thanks for sharing 921123

  6. 22953 415432Today, while I was at work, my sister stole my iPad and tested to see if it can survive a twenty five foot drop, just so she can be a youtube sensation. My iPad is now broken and she has 83 views. I know this is entirely off topic but I had to share it with someone! 300918

  7. 594460 590242hello!,I truly like your writing very a lot! percentage we keep up a correspondence extra about your write-up on AOL? I need an expert on this region to unravel my dilemma. Might be that is you! Taking a appear forward to peer you. 239751

Leave a Reply

Your email address will not be published.

Back to top button
Close