საინტერესო

როგორ დავუბრუნოთ ნივთებს იდეალური სიქათქათე სოდის საშუალებით

რატომ უნდა ვხარჯოთ ფული ძვირად ღირებულ და მავნე ქიმიაზე, როდესაც არსებობს იაფი და ძალზე ეფექტური საშუალება?
სოდით შესაძლებელია ნებისმიერი ზედაპირისა და ქსოვილის გათეთრება. ძმარში გახსნილი სოდა აზიანებს ერთადერთი მარმარილოს, მაგრამ სხვა ყველაფრისთვის ის – იდეალური საშუალებაა!

საჭირო მასალები/ხელსაწყოები:

  • – საჭმელი სოდა;
  • -ძმარი;
  • – ნიშადურის სპირტი;
  • – ჯაგრისი, ღრუბელი და ხელთათმანი.

საფეხურები

  1. 1კაფელიდან ჟანგისა და ნადების მოსაშორებლად, ნიჟარის, აბაზანისა და უნიტაზის გასათეთრებლად

    სოდა და წყალი შეაზავეთ ისე, რომ სქელი ფაფის მსგავსი მასა გამოვიდეს. წაუსვით გაჭუჭყიანებულ ზედაპირს და დატოვეთ, სანამ კარგად არ გაშრება. შემდეგ გაწმინდეთ ღრუბლის ან ჯაგრისის მეშვეობით და კარგად გარეცხეთ დამუშავებული ზედაპირი.თუ ლაქები და ნადები ძალიან ძველია, შესაძლოა, დამუშავების გამეორება მოგიწიოთ. რეგულარული წმენდის შედეგად, სამუდამოდ დაივიწყებთ ძვირად ღირებულ საშუალებებს.

  2. 2თეთრი ქსოვილის გასაქათქათებლად

    სოდისა და ნიშადურის სპირტის ნარევს იყენებენ. მოსამზადებლად დაგჭირდებათ 5 ს.კ. სოდა, 2 ს.კ. ნიშადურის სპირტი და 5 ლიტრი თბილი წყალი. ჩაალბეთ მიღებულ მასაში ქსოვილი და დატოვეთ 3-4 საათით. შემდეგ კარგად გაავლეთ და გარეცხეთ. თუ ქსოვილზე ყვითელი ლაქები მაინც დარჩა, ჩალბობის შემდეგ გამოხარშეთ 20-30 წუთის განმავლობაში. ამ პროცედურის შემდეგ ქსოვილი ქათქათა გახდება ნებისმიერი მათეთრებლის გამოყენების გარეშე.

  3. 3ძნელად ამოსაყვანი ლაქები

    ძმარში გახსნილი სოდა ყველაზე ძნელად ამოსაყვან ლაქებსა და ჭუჭყს უმკლავდება. უნდა მოაყაროთ სოდა ზედაპირს, რომლის გაწმენდაც გსურთ, დაასველოთ ღრუბელი ძმრით და გაწმინდოთ. ხელების დაზიანების თავიდან ასარიდებლად, ეს პროცედურები ხელთათმანებით ჩაატარეთ.

წყარო rogor.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close