საინტერესო

როგორ ავარჩიოთ ჩოლკა სახის ფორმის მიხედვით?!

ვარცხნილობა მთლიანად ცვლის ადამიანის გარეგნობას! ეს ჩვენ ვიცით, მაგრამ ისიც ვიცით, რომ არასწორი არჩევანი საკმაოდ აზარალებს ჩვენს იმიჯს. ყველაფერი კი ჩვენი სახის ოვალზე, კანის და თვალების ფერზეა დამოკიდებული. სწორედ ამ მახასიათებლების მიხედვით იღებენ კარგი სტილისტები გადაწყვეტილებას, თუ როგორი ვარცხნილობა გაგვიკეთონ. მაგრამ რადგანაც, ასეთი მომსახურების მიღება და კარგი სტილისტის პოვნა საკმაოდ რთულია, ჯობს თავად გავერკვეთ, როგორი ვარცხნილობა უხდება ამა თუ იმ ფორმის სახეს. ამაში კი ჩვენ დაგეხმარებით და მოცემულ სტატიაში გასწავლით, როგორი ჩოლკა უნდა ატაროთ სახის ფორმების მიხედვით!

საფეხურები

  1. 1მრგვალი სახე

    მისთვის, ვისაც მრგვალი სახე აქვს, იდეალური ჩოლკაა გრძელი და ერთ მხარეს გადავარცხნილი თმა. ამ დროს სახე უფრო ვიწრო ჩანს და აქცენტი ლოყებიდან ნიკაპზე გადადის.

  2. 2კვადრატული სახე

    წარბებამდე ჩამოსული მსხვილი ჩოლკა ფარავს შუბლს და აღადგენს სახის ჰარმონიულ პროპორციებს. ჩოლკის ბოლოები შეგიძლიათ ოდნავ ჩამოაგრძელოთ, რაც აქცენტს ლოყებზე გადაიტანს.

  3. 3ოვალური სახე

    პრინციპში ეს სახის იდეალური ფორმაა და არჩევანიც საკმაოდ ფართოა, მაგრამ ოვალურ სახეზე ყველაზე კარგად ფილირებული ჩოლკა ჩანს, გამოხშირული და შუაზე გაყოფილი: ის ხაზს უსვამს სახის სიმეტრიას და ჰარმონიას.

  4. 4გრძელი სახე

    გრძელი სახეც ოვალურია, თუმცა ცოტა ჩამოგრძელებული. ქუთუთოებთან ჩამოსული, სწორად დავარცხნილი, გრძელი ჩოლკა, ვიზუალურად აფართოებს სახეს და მას ულამაზეს ფორმას აძლევს.

  5. 5სამკუთხედი სახე

    მახვილი ნიკაპი და საკმაოდ მსხვილი შუბლი შეიძლება მარტივად დააბალანსოთ, თუ უპირატესობას წარბების ოდნავ ქვემოთ ჩამოსულ, ფართო, დაჩეხილ ჩოლკას მიანიჭებთ.

წყარო: rogor.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close