საზოგადოება

„როგორც ჩანს, ონლაინკაზინოების თემაზე პრემიერიც მიაჩუმეს!“

უფლებადამცველი ალექსანდრე ახალკაცი ონლაინ-კაზინოების თემაზე კიდევ ერთხელ ამახვილებს საზოგადოების ყურადღებას და ამბობს, რომ ამ საკითხის მიჩუმება დანაშაულის ტოლფასია.
 „ცოტა ხნის წინ გაჟღერდა, თითქოს ბატონი პრემიერი(კვირიკაშვილი) აპირებდა დაპირისპირებოდა სათამაშო ბიზნესს ჩვენი მოსახლეობის სასარგებლოდ-აეკრძალა ონლაინ კაზინოები, მაგრამ რატომღაც აღარ მოჰყვა გაგრძელება, მხოლოდ ერთი არასათავრობო გამოირჩევა ამ დრომდე აქტიურობით -„ახალგაზრდა ფინანსისტთა და ბიზნესმენთა ასოციაცია“. მეც იმედის თვალით შევხედე ამ მოვლენებს თავიდან, მაგრამ ახლა ცხადია, რომ ბატონი გიორგიც მიაჩუმეს!.. ვამაყობ იმით, რომ მე ერთ-ერთმა პირველმა საჯაროდ განვაცხადე, რომ სასწრაფოდ ყურადღება უნდა მიექცია სახელმწიფოს ამ პრობლემისათვის( 2014 წლის დეკემბერში, სპორტისა და ახალგაზრდობის სამინისტროს მიერ ინიცირებულ ახალგაზრდული არასამთავრობო ორგანიზაციების გამოფენაზე) სადაც თავად სამინისტროს ხელმძღვანელობას ავუხსენი, თუ რა უარყოფით გავლენას ახდენს ონლაინ-კაზინოები ახალგაზრდობაზე…მათ მოისმინეს, ჩაინიშნეს, დამეთანხმნენ, რომ მავნე გარემოს ეკუთვნისო, მაგრამ რეაგირება ნულოვანი. დღეს ისევე შეუძლია არასრულწლოვანს დარეგისტრირდეს და ითამაშოს, როგორც მაშინ, 2 წლის, ერთი წლის წინ დაახლოებით. ის მიზეზები, რომ კაზინოებით ბიუჯეტში დიდი თანხები შედისო, ყურით მოთრეულია, რადგან სულ არ მაინტერესებს რა შედის ბიუჯეტში, როცა ჩემს ირგვლივ გაუბედურებულ ოჯახებს ვხედავ თამაშების გამო, დაღუპულ ახალგაზრდებს, კუშებზე, წითელ-შავზე, პარაზე, ოლ-ინნ-ზე, ფლეშზე და ათას სისულელეზე რომ საუბრობენ და ფიქრობენ დღე და ღამე(მაპატიეთ თუ ვინმემ შეურაცხყოფილათ იგრძენით თავი, რადგან ის უფრო დიდი შეურაცხყოფაა კაცის, როცა უკანასკნელ ლუკმის ფულს ოჯახიდან წაიღებ და ვიღაც დამპალ კაზინოს მეპატრონეს შეტენი, რომელსაც შენი ქვეყნის ახალგაზრდობა და არა მხოლოდ სულ ცალ ფეხზე კიდია) მე როცა ის განცხადები გავაკეთე საჯაროდ და მოვუწოდე სპორტისა და ახალგაზრდობის სამინისტროს მათ მაინც მოეგვარებინათ ახალგაზრდებისათვის ხელმიუწვდომელი ყოფილიყო თამაშები, დავუპირისპიდი მთლიან სისტემას. უფრო მეტიც, მე მომხრე ვარ სათამაშო სახლებში შესვლა შეუძლებელი იყოს 25 ან მინიმუმ 23 წლამდე მაინც. აქ რომ ევროპის მსგავსად დააწერენ 21 წლამდე შესვლა აკრძლულია, იქ ბიძია 21 წლის ადამიანს, ვისაც სურს, ყველას აქვს სამსახური და თავის შემოსავალს სადაც უნდა იქ დახარჯავს, მაგრამ ჩვენთნ 21 წლის ახალგაზრდა თქვენი გადაგვარებული განათლების რეფორმის გადამკიდე მეორე ან მესამე კურსის სტუდენტია და სამსახური ოცნებაშიც ვერ ექნება კიდევ კარგა ხანს( ეს უკვე თქვენი გადაგვარებული ეკონომიკური პოლიტიკის ბრალია). მე ვრჩები დაპირისპირებაში ტოტალიზატორების და კაზინოების მეპატრონეებთან და მოვითხოვ სასწრაფოდ აიკრძალოს ონლაინ კაზინოები და სათამაშო სახლებში შესვლა სქართელოს მოქალაქეებისათვის შეიძღუდოს მინიმუმ 23 წლამდე“-აცხადებს ახალკაცი.
წყარო: postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close