„რელიგიური გრძნობების შეურაცხყოფის შესახებ კანონპროექტი არაკონსტიტუციურია“

რელიგიური გრძნობების შეურაცხყოფის შესახებ კანონპროექტზე საკუთარ აზრს გამოხატავს საზოგადოებრივი მოძრაობა „ივერიას” წარმომადგენელი ნიკა რურუა.

 „რელიგიური გრძნობების შეურაცხყოფის შესახებ კანონპროექტი საფუძველშივე არსებითად არაკონსტიტუციურია:

 1. ის შეზღუდავს სიტყვისა და გამოხატვის კონსტიტუციით გარანტირებულ და დაცულ უფლებას.

 2. ის გააღვივებს რელიგიურ შუღლსა და სიძულვილს მოქალაქეთა შორის.

 3. ის დაარღვევს სახელმწიფოსა და რელიგიის გაყოფის კონსტიტუციურ პრინციპს.

4. ის დააზიანებს სამოქალაქო თანხმობასა და ტოლერანტობის ისედაც მყიფე ქსოვილს.

 5. ის საფრთხის ქვეშ დააყენებს სახელმწიფოს სეკულარული პრინციპით მოწყობის კონსტიტუციურ მოდელს.

6. ის დააყენებს საფრთხის ქვეშ კანონის ქვეშ თანასწორობის პრინციპს.

7. ის გამოიწვევს ძალაუფლების ბოროტად გამოყენების უამრავ შემთხვევას.

8. ის გააუცხოებს და დისკრიმინაციას გაუწევს როგორც რელიგიურ, ისე ეთნიკურ უმცირესოებებს ჩვენს სახელმწიფოში.

9. ის სერიოზულად დააზიანებს საქართველოს დემოკრატიულ იმიჯს მთელს თავისუფალ სამყაროში.

10. ის შეუქმნის დიდ საფრხეს ქვეყნის ევროპულ და ტრანსატლანტიკურ ორიენტაციას. ჭეშმარიტად, კეთილი სურვილებითაა მოკირწყლული გზა ჯოჯოხეთისკენ.“-წერს რურუა.

წყარო: postalioni.com