პოლიტიკა

რეგიონალური ექვსეულის შავი მიზნები_ ,,უნდათ, ევროპას და ამერიკას ამოაკვეთინონ ფეხი ჩვენი რეგიონიდან”

,,მესამეჯერ კარგავს საქართველო დამოუკიდებლობას და ეს რასაც მოასწავლებს, იმედია, ხალხი კარგად გააცნობიერებს"

_ ე.წ. რეგიონალური ექვსეულის იდეა უკვე ცნობილია. ექვსეულში შედის რუსეთი, ირანი და თურქეთი, ასევე, საქართველო, აზერბაიჯანი და სომხეთი. თურქები, ჩვენი პარტნიორები, წყნარად და მშვიდად უკვე მოგვიწოდებენ, რომ ვიფიქროთ ამაზე, მაგრამ ეს იქნება ჩვენი დაღუპვა, მეორე ყარსის ხელშეკრულება. ეს იქნება მოსკოვის ახალი ხელშეკრულება და მასზე მიდის უკვე სერიოზული მუშაობა.

ქართველებს გახსოვთ, 1921 წელს წითლები რომ შემოვიდნენ, ქართველები დასეირნობდნენ და იძახდნენ, ეგენი შემოდგომაზე უკან წავლენო. 70 წელი დარჩნენ. იგივე მოხდება ახლაც. არაინფორმირებული და უვიცი საზოგადოება შეცდომებს უშვებს.

მოკლედ გეტყვით რას ნიშნავს ეს  ექვსეული. ეს არის მცდელობა, რომ დასავლეთს ამოაკვეთინონ ფეხი რეგიონიდან. დასავლეთის საყრდენი რჩება მხოლოდ ისრაელის სახელმწიფო, რომელსაც უფრო მეტად საკუთარი ინტერესები აწუხებს, ვიდრე სხვისი. გამოდის, რომ დასავლეთი ამოიკვეთავს რეგიონიდან ფეხს.

ამ ექვსეულში, სადაც არის ირანი და თურქეთი, საქართველო რომ შევიდეს, ვინმე მიგვიღებს მერე ნატოში? ზუსტად იმიტომ კეთდება ეს გაერთიანება, რომ ამერიკელებს და დასავლეთს ფეხი ამოაკვეთინონ რეგიონში. ევროპელები როგორც იქნა გამოფხიზლდნენ და ეს მოხდა განსაკუთრებით ბორელის ვიზიტის მერე მოსკოვში. ბორელი მანამდე პუტინის აპოლოგეტი იყო, ახლა კი პოზიცია შეცვლილი აქვს. ევროპამ ხანდახან იცის წაძინება და ამ ,,წაძინების” შედეგია ის, რაც 2008 წელს ჩვენ დაგვემართა, როცა რამდენიმე ევროპულმა ქვეყანამ უარი თქვა ჩვენ დახმარებაზე.

რუსეთი ძალიან არის გააქტიურებული. რაც ხდება სომხეთში, კარგად ვხედავთ. ფაშინიანის ხელისუფლება დასამხობად არის გამზადებული და წკიპზეა. ყარაბაღში რაც მოხდა, ესეც ვნახეთ. აზერბაიჯანმა მიაღწია სამხედრო წარმატებას, მაგრამ იმასაც მიაღწია, რომ რუსული სამხედროები ჩაიყვანა საკუთარ ტეროტორიაზე. რუსეთი კავკასიის სამივე ქვეყნის ტერიტორიაზე უკვე არის- სოხეთში კანონიერად, აზერბაიჯანში კანონიერად, საქართველოში უკანონოდ, თუმცა ამაზე არ ჯავრობენ რუსები.

რუსებს არა აქვთ ბევრი დრო, რადგან ბაიდენის ადმინისტრაცია გაზაფხულზე ამუშავდება და რუსეთი გადავა თავდაცვით რეჟიმში, ამიტომ უნდათ ყველაფერის მოსწრება. საქართველო? აქ თავისი ხელისუფლება ჰყავთ დასმული , რაც რუსეთში შესვლას არ ნიშნავს, მაგრამ ნიშნავს მის ბაგაზე მიბმას. ამიტომ თუ დროულად გამოფხიზლდებიან ქართველები, კარგი იქნება. მესამეჯერ ვკარგავთ დამოუკიდებლობას და იმედია, გააცნობიერებს ხალხი, ეს რასაც მოსწავლბებს”-  განაცხადა პოლიტიკოსმა გუბაზ სანიკიძემ ,,პოლიტიკური პარასკევი”-ს ეთერში.

დატოვეთ კომენტარი

კომენტარები

მსგავსი სიახლეები

Back to top button
Close