რა სიხშირით უნდა დავიბანოთ თავი?

თმას მუდმივი მოვლა სჭირდება, რადგან ძალიან მალე ზიანდება, ცხიმიანდება და თუ იღებავ – იწვება კიდეც. სწორედ ამიტომ, მნიშვნელოვანია, როგორ ისუფთავებ და იტენიანებ თავის კანს. თუ ცხიმიანი თმა გაქვს, უფრო ხშირად უნდა დაიბანო, თუმცა უკეთესი შედეგისთვის უნდა იცოდე, რა სიხშირით და როგორ უნდა დაიბანო თმა.

შამპუნის ან/და კონდიციონერის ყოველდღიური გამოყენება თმისთვის კარგი ნამდვილად არ არის, მათი გამოყენება რეკომენდებულია მაქსიმუმ სამ დღეში ერთხელ. ყოველდღიურად კი მხოლოდ წყლის გადავლებაც საკმარისია იმისთვის, რომ თმა მუდმივად დატენიანებული იყოს.

დაბანის დროს, შამპუნს მალევე ნუ ჩამოიბან, გაიჩერე 3-დან 5 წუთამდე (თუ შამპუნს სამკურნალო დანამატები აქვს, შესაძლებელია მეტ ხანსაც) და შხაპის ქვეშ გაიკეთე მასაჟი ხელების წრიული მოძრაობით.

ყურადღება მიაქციე იმას, თუ როგორ ისუფთავებ თმას და სკალპს. გახსოვდეს, რომ ყველაფერი სისუფთავით იწყება და თმასაც ისევე სჭირდება ეს, როგორც სხეულის სხვა ნაწილებს. პირველ რიგში გაისუფთავე სკალპი, თუ მშრალი კანი გაქვს შეგიძლია შხაპის გელიც გამოიყენო.

მნიშვნელოვანია ხშირი ვარცხნა, მით უმეტეს თუ ცხიმიანი თმა გაქვს. სავარცხელი ცხიმს ანაწილებს მთელ თმაზე, თმაც უფრო ნაკლებად ცხიმიანდება და ამავე დროს, რბილიც ხდება. შეარჩიე სავარცხელი, რომელსაც კბილანები ძალიან ახლოს არ აქვს ერთმანეთთან. დაივარცხნე ღამით, ძილის წინ და მცირე ხნიანი შუალედებით.

საერთოდ თმას კვირაში 3-ჯერ სჭირდება გასუფთავება, თუმცა, რა თქმა უნდა, ინდივიდზეც არის დამოკიდებული. თუ ძალიან ცხიმიანი თმა გაქვს, შესაძლებელია ყოველდღეც საჭიროებდეს დაბანას (თუმცა არავითარ შემთხვევაში შამპუნის გამოყენებით).

წყარო: post.tvfree.ge

დატოვეთ კომენტარი

კომენტარები