საზოგადოება

რატომ კლავენ დედები შვილებს? – მკვლელი დედის ფსიქოლოგიური პორტრეტი

რატომ კლავენ დედები შვილებს? – ეს საკითხი ძალადობისგან დაცვის ეროვნულმა ქსელმა გამოიკვლია და ინტერვიუებზე დაყრდნობით მკვლელი დედის ფსიქოლოგური პორტრეტი შეისწავლა. მასალას ჟურნალი “ლიბერალი” გთავაზობთ, რომელსაც ჩვენც წარმოგიდგენთ.

2010 წელს საკუთარი შვილის მკვლელობისთვის საქართველოში სასჯელს რვა ქალი იხდიდა, აქედან ხუთმა დედამ ჩვილი ბავშვი მოკლა.

1976-დან 2005 წლამდე აშშ-ში დედებმა 5 წლამდე ასაკის 3000-ზე მეტი ბავშვი მოკლეს. საქართველოში ამ ტიპის სტატისტიკური მონაცემები არ არსებობს.

ქალბატონი ” ა” 23 წლისაა და სასჯელს ახალშობილის მკვლელობისთვის იხდის. იგი რაიონში ცხოვრობს, აქვს საშუალო განათლება, გაუთხოვარია და შემთხვევით დაფეხმძიმდა. ”ა”-მ ორსულობა დამალა და ყველასგან მალულად, საკუთარი სახლის საპირფარეშოში იმშობიარა. ამის შემდეგ, ახალშობილი ნაგვის ყუთში გადამალა. ჩვილი მოგვიანებით გარდაცვლილი იპოვეს.

როგორ ოჯახში ცხოვრობდა ქალბატონი ”ა”? – ჰქონდა კონფლიქტი ძმასთან, მამა ფიზიკურად და ფსიქოლოგიურად ძალადობდა მასზე და დედამისზე.

ქალბატონის თქმით, მისი ოჯახი ”ტრადიციული ფასეულობების მქონეა”.

ფინანსური მდგომარეობა: ქალბატონი ”ა” უმუშევარია, ოჯახის ყოველთვიური საშუალო შემოსავალი 200-300 ლარია. განიცდის მორალური და მატერიალური მხარდაჭერის ნაკლებობას.

მკვლევარების თქმით, ეს შემთხვევა ნეონატიციდური მკვლელობის (ბავშვის მკვლელობა მისი დაბადებიდან 24 საათის განმავლობაში) ყველაზე გავრცელებული ტიპია.

ასეთ ქალბატონებს ძირითადად აქვთ არასრული საშუალო განათლება, მატერიალურად უჭირთ, არიან ფსიქოლოგიური ან ფიზიკური ძალადობის მსხვერპლი და აღნიშნავენ, რომ ფეხმძიმობას ”ტრადიციული ღირებულებების” მქონე ოჯახის შიშით, ვერ ამხელენ. ამიტომ, მარტო, დაუხმარებლად მშობიარობენ.

მკვლელობის მოტივი არასასურველი ბავშვის მოცილებაა, ხოლო მკვლელობის მეთოდებს შორის ყველაზე ხშირად გამოიყენება რესპირატორული გზების გადაკეტვა – ბავშვის პირველი ტირილის ჩასახშობად, რომ ხმა არავინ გაიგოს და საიდუმლო ორსულობა ან ბავშვის არსებობა არ გამოაშკარავდეს.

მკვლევარებმა მკვლელობის კიდევ ერთი ფორმა – ფილიციდი შეისწავლეს. ესაა ბავშვის მკვლელობა მაშინ, როცა მას ოჯახში როლი უკვე დამკვიდრებული აქვს.

ქალბატონი ”ბ” 24 წლისაა, გათხოვილია და ჰყავს სამი შვილი.

მან 5 წლის შვილს ეზოში ნივთის გატანა დაავალა, მას შემდეგ რაც ბავშვს სახლში დაბრუნება დააგვიანდა, გაბრაზებულმა დედამ შვილს რამდენჯერმე ხელი დაარტყა. ბავშვმა გონება დაკარგა. დედამ დახმარების აღმოჩენის მიზნით, შვილი სახლში შეიყვანა, გაუცნობიერებლად ძირს დააგდო და გულ-მკერდზე დაწოლით, მისთვის პირის გახსნა სცადა, თუმცა შვილს ვერაფრით დაეხმარა. ამის შემდეგ, დაურეკა მეუღლეს, რომელსაც ბავშვი უკვე გარდაცვლილი დახვდა.

მკვლევარების თქმით, შემთხვევითი მკვლელობის მიზეზი ხშირად დაუმორჩილებელი აგრესია ან აფექტის მდგომარეობაა. ასეთ ქალბატონებს ფსიქიკური ჯანმრთელობის პრობლემებიც აწუხებთ.

კვლევის შედეგად გამოიკვეთა, რომ მკვლელი დედები ხშირად თავად არიან ძალადობის მსხვერპლი. მათზე მეუღლეები ფიზიკურად და ფსიქოლოგიურად ძალადობენ. “ არ შემიძლია ჩემი თავი დავიცვა, რომ შევეპასუხო (მეუღლე) ნაგლეჯებად მაქცევს.” – ამბობს ერთ-ერთი ქალბატონი.

ამიტომ, ძალადობა მათზე სუსტებზე – შვილებზე, აგრესიის, ბრაზისა და ფრუსტრაციისგან გათავისუფლების ერთადერთი საშუალებაა.

მკვლელი დედების ფსიქოლოგიური პორტრეტი პირველად ამერიკელმა მეცნიერმა ფილიპ რენსიკმა შეისწავლა. სწორედ მან ჩამოაყალიბა მკვლელობის მოტივები და ფსიქოლოგიური ფაქტორები, რომლებმაც დედას შეიძლება შვილის მკვლელობისკენ უბიძგოს.

წყარო:  presa.ge

დატოვეთ კომენტარი

კომენტარები

მსგავსი სიახლეები

7 Comments

  1. 561509 285621In the event you are interested in imagine a alter in distinct llife, starting up usually the Los angeles Surgical procedures fat reduction method is a large movement as a way to accomplishing which typically thought. shed belly fat 621706

  2. My spouse and I stumbled over here from a different website and thought I may as well check things out. I like what I see so now i’m following you. Look forward to going over your web page repeatedly.

Leave a Reply

Your email address will not be published.

Back to top button
Close