საზოგადოება

რას მოუტანს ვიზალიბერალიზაცია უბრალო ადამიანებს? _ ,,ვფიქრობ და კარგს ვერაფერს წარმოვიდგენ-ხოლმე“

,,უკვე მრავალი დღეა, რაც ერთ მნიშვნელოვან საკითხზე ვფიქრობ: სჭირდება თუ არა საქართველოს ევროკავშირის ქვეყნებთან ვიზალიბერალიზაცია და რას მოუტანს ეს ჩვეულებრივ, უბრალო ადამიანებს? ვფიქრობ, ვფიქრობ და კარგს ვერაფერს წარმოვიდგენ ხოლმე. ჩვენ გვთავაზობენ გავცვალოთ ჩვენი ტრადიციები, ადათ-წესები, გატეხონ ჩვენი მენტალიტეტი, დატოვონ ბავშვები ნორმალური განათლების მიღების გარეშე და დარჩეს ქართული მიწა ქართველი ადამიანის გარეშე, „მირაჟული“ ევროპის სანაცვლოდ. მითხარით თუ შეიძლება, ვინ ივლის ამ ევროპაში ? პასუხი ერთია: ისინი, ვინც ახლაც უპრობლემოდ მიდი-მოდიან იქ. უბრალო ადამიანები კი, რომლებიც ოჯახებისთვის საჭირო სარჩო-საბადებელის მოსაპოვებლად ლამის 24 საათიან რეჟიმში მუშაობენ და ძლივს გააქვთ თავი, როგორ შეძლებენ ევროპულ კურორტებზე დასასვენებლად, ანდაც ევროპული ღირსშესანიშნაობების დათვალიერებას ? ხომ ნათელია, რომ ვიზალიბერალიზაცია არ ნიშნავს სამუშაო უფლების მიღებას და ა.შ. გარდა ამისა, თუ ყველა ევროპას მიაშურებს, ვის დარჩება ეს მიწა-წყალი? ჩინელებს, რომლებიც კოსმიური სისწრაფით მრავლდებიან, თუ არაბებს, რომლებიც ქვეყნის მუსულმანიზაციას მაქსიმალურად შეუწყობენ ხელს ? დასავლეთში სწავლის შესაძლებლობა მდიდარი ოჯახის შვილებს ექნებათ, ისევე, როგორც ძვირადღირებულ კორორტებზე დასვენების და მოგზაურობის საშუალება.  უბრალო ადამიანებს კი ევროპული ქვეყნების საზღვრებზე ათასგვარი დამცირების გადატანა მოუწევთ (ამის თვალნათელი მაგალითი არსებობს და ასეთი ისრაელის სასაზღვრო რეჟიმია).  და ეს ყველაფერი რის გამო ? ნატოში ინტეგრაციაზე საუბარი კი არც ღირს.  კიდევ უფრო მეტი ჩვენი ჯარისკაცი უნდა დაიღუპოს ამერიკული ინტერესებისთვის და უფრო თუ დავაზუსტებთ, ამერიკული კაპიტალის დასაცავად ? მითხარით და ამიხსენით, ჩვენ ყოველივე ეს გვჭირდება? და რატომაა, რომ უკვე ორ ათეულ წელზე მეტია, ზღაპარს „ევროპულ კეთილდღეობაზე“ გვიყვებიან, ხალხი კი სულ უფრო და უფრო ღარიბდება ?“ _ განუცხადა ,,ფოსტალიონს“ საქართველოს  ,,უმუშევართა კავშირი“ თავმჯდომარემ, თამარ იოვაშვილმა.

წყარო postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close