რას ამბობდა მანჩო გიორგობიანი მოსალოდნელ მკვლელობებთან დაკავშირებით
2015 წლის 4 აპრილს, მანჩო გიორგობიანმა “ობიექტივის” ეთერში ვრცლად ისაუბრა შეიარაღებულ ფორმირებებზე, რომლებიც ქალაქში თავისუფლად გადაადგილდებიან , სხვადასხვა გახმაურებულ კრიმინალურ გარჩევებში, მკვლელობებსა თუ დაჭრებში მონაწილეობენ, მაგრამ დაუსჯელები რჩებიან. ამის შესახებ სააგენტო “ფოსტალიონმა” მოკლე ინფორმაცია გამოაქვეყნა (იხილეთ სტატია “უდესიანის ბანდფორმირების წევრები დღესაც პრივილეგირებულ მდგომარეობაში არიან“).
“ეს არის ახალგაზრდების დაჯგუფება, უდესიანის არცთუ ისე მცირერიცხოვანი ბანდფორმირება, რომლებიც ნაციონალების დროს სარგებლობდნენ ყველანაირი პრივილეგიებით, დაქროდნენ ძვირფასი მანქანებით, 23-25 წლის ბიჭები G კლასის მერსედესებით და 100 ათასიანი პრადოებით, უზარმაზარი თანხები ჰქონდათ, დაქეიფობდნენ რესტორნებში. ეს ის ადამიანები არიან, რომლებსაც იყენებდნენ არჩევნების დროს. ისინი იტაცებდნენ ყუთებს უბნებიდან. თუ ვინმე ქუჩის დონეზე ყავდათ დასატერორებელი. ხელისუფლება ხომ არ აკლებდა , მაგრამ ეს ზონდერბრიგადებიც ჰყავდათ.
და უცბად ირკვევა, რომ ეს ადამიანები ამ ხელისუფლებაშიც არიან პრივილეგირებულ მდგომარეობაში. მათ ვიღაც, ან ვიღაცეები მფარველობენ . დადიან ისევ იარაღებით, დაქრიან ძვირფასი მანქანებით და ისევ არიან სხვადასხვა მკვლელობებში ეჭვმიტანილები. დაწიოკებული ყავთ ნახევარი ქალაქი და ბევრ სერიოზულ კრიმინალურ გარჩევაში, დაჭრაში თუ კონფლიქტში ფიგურირებენ.
ხელისუფლებასთან ის პრეტენზია მაქვს, რომ გონში არ არიან, რა ხდება ქალაქში. სამართლებრივად, წესიერად მიუყვებიან ყველაფერს და ამასობაში ქვეყანა თავზე გვექცევა.” -განაცხადა მანჩო გიორგობიანმა 4 აპრილს, ტელეკომპანია “ობიექტივის” ეთერში.
წყარო: postalioni.com
