საზოგადოება

რამდენიმე ასეული თაღლითის გამო ქართველი ერი ასეთ იარლიყს არ იმსახურებს

გერმანულ გამოცემა Bild -ის სტატიას სოციალური ფორუმის “ამერიკის ნამდვილი მეგობრები” წევრი გია შარაშენიძე ორგანიზაციის ფეისბუქგვერდზე ეხმაურება :

“ეს არის გერმანულ გაზეთ „ბილდ“-ში გამოქვეყნებული სტატია, რომელშიც
ვიზალიბერალიზაციასთან დაკავშირებული სიტუაციაა მიმოხილული და გერმანელი ექსპერტების კომენტარებია გადმოცემული . ექსპერტების აზრით, გერმანიაში დანაშაულის დონის ზრდაში ქართველ იმიგრანტებს მიუძღვით ბრალი და ამიტომ, საქართველომ არც ვიზალიბერალიზაცია უნდა მიიღოს და არც ნატოს წევრი უნდა გახდეს.

დარწმუნებული ვარ, რომ ამ სტატიაში მოყვანილ ექსპერტებზე ზეგავლენას ნაციონალური მოძრაობის, ევროპარლამენტში გადასროლილი დესანტი ახდენს და ისინიც, მისთვის დამაკმაყოფილებელი გასამრჯელოთი ასრულებენ მოთხოვნას. სხვა ახსნა, ასეთ არაპროფესიონალურ მსჯელობას მე ვერ მოვუძებნე.

გადახედონ საფრანგეთის არაბებს, ბულგარელ ბოშებს, რუმინელებს, პოლონელებს და კიდევ რამდენი ჩამოვთვალო ?! ამ ექსპერტებმა ისიც არ იციან, რომ სუპერმარკეტები და ბუტიკები თანამედროვე დაცვის ტექნოლოგიებით არის აღჭურვილი,ხოლო წვრილ ბანდებს თუ ვერ უმკლავდება გერმანული პოლიცია, მაშინ პოლიციის მინისტრს მოკითხონ პასუხი. ისიც დათვალონ რამდენი ქართველი მუშაობს ნორმალურად გერმანიაში და ქმნის დოვლათს გერმანიისთვის, იხდის გადასახადს და წვლილი შეაქვს გერმანიის განვითარებაში? რამდენი ქართველი ტურისტი ჩადის გერმანიაში და რამდენ ფულს ხარჯავენ გერმანიის ეკონომიკაში. უვიზო რეჟიმის დროს ეს ციფრები გაორმაგდება.

რამდენიმე ასეული თაღლითის გამო ქართველი ერი ასეთ იარლიყს არ იმსახურებს ! უკეთესად იმუშაოს გერმანიის პოლიციამ, უფრო მჭიდროდ ითანამშრომლოს ქართველ სამართალდამცველებთან და მიიღებენ შედეგს”-წერს გია შარაშენიძე.

წყარო postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close