რაზე ესაუბრა საქართველოს პატრიარქი ვლადიმერ პუტინს

საქართველოს კათოლიკოს პატრიარქმა ესპანეთის პრემიერმინისტრთან შეხვედრაზე ევროკავშირში ინტეგრაციასა და საქართველოს ტერიტორიულ მთლიანობაზე ისაუბრა. პატრიარქის თქმით, საქართველო ყველაფერს აკეთებს იმისთვის, რომ მალე გახდეს ევროკავშირის წევრი, თუმცა აქვე მთავარ პრობლემად დაკარგულ ტერიტორიებს ასახელებს. “ჩვენ ყველაფერს ვაკეთებთ იმისათვის, რომ საქართველო ევროკავშირის წევრი გახდეს, ეს მალე მოხდება. ტერიტორიული მთლიანობა ჩვენი ქვეყნის დიდი ტკივილია,“- განაცხადა პატრიარქმა.

პატრიარქის განცხადებით, ქვეყნის სუვერენიტეტზე ვლადიმერ პუტინთანაც ჰქონდა საუბარი და ამბობს, რომ ეს პრობლემა გადაუჭრელი არ უნდა დარჩეს.

“ტერიტორიული მთლიანობა დიდი ტკივილია ჩვენი ქვეყნისთვის. მქონდა შეხვედრა ვლადიმერ პუტინთან და მე ვუთხარი მას, რომ ეს ღია ჭრილობაა საქართველოს სხეულზე. ღიად დარჩენა საკითხისა, ამ ჭრილობისა არ შეიძლება. არასდროს ყოფილა კონფლიქტი აფახაზებსა და ქართველებს შორის. ეს იყო შექმნილი ხელოვნურად”, – განაცხადა უწმინდესმა.

ესპანეთის საგარეო საქმეთა მინისტრმა კი აღნიშნა, რომ საქართველო მალე უნდა გახდეს ევროპული ოჯახის წევრი. ამასთან ერთად, ხოსე მანუელ გარსია მარგაომ საქართველოს მხარდაჭერა გამოუცხადა და აღნიშნა, რომ ტერიტორიული მთლიანობა აუცილებლად უნდა აღდგეს.

წყარო: pirveliradio.ge

დატოვეთ კომენტარი

კომენტარები