საზოგადოება

პროკურორი: “დეკანოზი თავად ადასტურებს, რომ იარაღთან შეხება ჰქონდა”

დეკანოზის საქმის პროკურორის ჯარჯი წიკლაურის განცხადებით, ის დეკანოზის საცხოვრებელი სახლიდან ამოღებულ იარაღზე გენეტიკური და დაქტილოსკოპიური ექსპერტიზის დანიშვნას საჭიროდ არ მიიჩნევს.

პროკურორი ამის მიზეზად, დეკანოზ გიორგი მამალაძის ჩვენებას ასახელებს, რომელშიც დეკანოზი ადასტურებს, რომ იარაღთან შეხება ჰქონდა და მისით გადაადგილდებოდა კიდეც.

ჯარჯი წიკლაურის განცხადებით, სასამართლოს პროცესზე დაიკითხნენ ფონოსკოპიური და ჰაბიტოსკოპიური ექსპერტები, რომლებმაც დაადასტურეს, რომ საქმეში არსებული ფარული ვიდეოჩანაწერი ავთენტურია და მონტაჟის ნიშნებს არ შეიცავს.

პროკურორის განცხადებით, დარჩენილია 5 ქიმიური ექსპერტის დაკითხვა, რომლებიც დაადასტურებენ, რომ დეკანოზის ბარგიდან ამოღებული ნივთიერება ნატრიუმის ციანიდი იყო.

დღევანდელი სასამართლო პროცესის დაწყებამდე, დეკანოზის ადვოკატმა ეკა ლომიძემ განაცხადა, რომ დეკანოზის საცხოვრებელი ბინიდან ამოღებულ იარაღზე დნმ-ის და დაქტილოსკოპიური ექსპერტიზები არ ჩატარებულა.

წყარო: imedinews.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close