საზოგადოება

პოროშენკო ხურვალეთში: შეხედეთ ამ მოქალაქეს თვალებში, ესაა რუსეთის აგრესიის შედეგი

უკრაინის პრეზიდენტი ოძისის შემდეგ ხურვალეთში იმყოფებოდა. პეტრო პოროშენკო ადგილობრივებს, რომლებიც გამყოფ ხაზთან ცხოვრობენ, პირადად ესაუბრა.

მისი განცხადებით, გამყოფი ხაზი არ არის მხოლოდ ხაზი, ეს არის უფსკრული აწმყოსა და მომავალს შორის, რომელსაც რუსეთის ოკუპაცია ახორციელებს.

„ეს არ არის ოკუპაციის ხაზი, ეს არ არის გამყოფი ხაზი, ეს არის უფსკრული წარსულსა და მომავალს შორის. შეხედეთ ამ მოქალაქეს თვალებში, ეს არის რუსეთის აგრესიის შედეგი. ერთ მხარეს ჩვენ ვხედავთ აყვავებულ თბილისს, კურორტებს, ინვესტორებს, ბედნიერ ხალხს, ეკონომიკურ ზრდას, უვიზო რეჟიმს, ასოცირების შესახებ შეთანხმებას და მეორე მხარეს ჩვენ ვხედავთ ცრემლს, უფლებების დარღვევას, ხალხს, რომელსაც არ აქვთ სამედიცინო დახმარების მიღების უფლება. ჩვენთვის ეს არის უდიდესი მოტივაცია, რომ აღვადგინოთ ტერიტორიული მთლიანობა, როგორც უკრაინის ასევე საქართველოსი და ჩვენ ამისათვის ყველაფერს გავაკეთებთ. ასევე ძალიან მნიშვნელოვანია, რომ ჩემი ვიზიტის ფარგლებში ვარ აქ, რომ ვუთხრა ამ ხალხს, რომ ისინი მარტო არ არიან, ჩვენ მათ გვერდით ვდგავართ”, – აღნიშნა პეტრო პოროშენკომ.

ორი ქვეყნის პრეზიდენტი ჯერ სოფელი ოძისის მიმდებარე ტერიტორიაზე იმყოფებოდა, შემდეგ კი, გორის მუნიციპალიტეტისკენ გადაინაცვლეს.

დატოვეთ კომენტარი

კომენტარები

მსგავსი სიახლეები

One Comment

Leave a Reply

Your email address will not be published.

Back to top button
Close