საზოგადოება

პოლიტიკურმა გაერთიანებამ “მოძრაობა ხალხისთვის” საკონსტიტუციო კომისია დატოვა

პოლიტიკური გაერთიანება “მოძრაობა ხალხისთვის” წარმომადგენლებმა პროტესტის ნიშნად საკონსტიტუციო კომისია დატოვეს. საკონსტიტუციო კომისიის დატოვების შესახებ სპეციალურ ბრიფინგზე მოძრაობა ხალხისთვის თავმჯდომარემ, ნიკა მაჭუტაძემ ისაუბრა. ნიკა მაჭუტაძემ საკონსტიტუციო კომისიის წევრ კოლეგებს მოუწოდა, გაემიჯნონ კომისიას. დღესვე, საკონსტიტუციო კომისიის სხდომაზე პარლამენტის თავმჯდომარე ირაკლი კობახიძემ აღნიშნა, რომ მისი ინფორმაციით, პრეზიდენტი ცალკეულ პარტიებსა და არასამთავრობო ორგანიზაციებთან მართავდა კონსულტაციებს, მათ მიერ კომისიის დატოვებასთან დაკავშირებით. “სამწუხაროა, რომ ეს სარწმუნო ინფორმაცია მართლდება – რამდენიმე სუბიექტს ჩვენი ინფორმაციით, აქვს განზრახული შესაბამისი გადაწყვეტილების გახმოვანება, თუმცა ეს ყველაფერი, ბუნებრივია, ხელს ვერ შეუშლის იმ სამუშაოს ბოლომდე მიყვანას, რომელიც ჩვენ დავიწყეთ სახელმწიფო საკონსტიტუციო კომისიაში და ჩვენ აუცილებლად შევასრულებთ დასახულ მიზანს”,- განაცხადა ირაკლი კობახიძემ. აღნიშნულტან დაკავშირებით ირაკლი მაჭუტაძემ აღნიშნა, რომ მის გადაწყვეტილებას გიორგი მარგველაშვილთან არანაირი კავშირი არ აქვს. საკონსტიტუციო კომისიის დატოვებას არ გამორიცხავს არასამთავრობო სექტორიც.

დატოვეთ კომენტარი

კომენტარები

მსგავსი სიახლეები

2 Comments

Leave a Reply

Your email address will not be published.

Back to top button
Close