საზოგადოება

პარლამენტის წინ, რუსთველზე, კახელებმა ისტორიული კარავი გაშალეს

კარვის მობინადრეები ორჯერ გადაურჩნენ სიკვდილს

,,თელაველების კარავი თბილისში” _ ასეთი კომენტარი გაუკეთეს ფოტოს, რომელზეც პარლამენტის წინ, რუსთაველზე, კიდევ ერთი გაშლილი კარავი ჩანს. როგორც ფოტოს ავტორი, ლეიბორისტული პარტიის კახეთის კოორდინატორი ნიკა ვარდოშვილი აცხადებს, კარავთან ერთად, პროტესტანტი კახელები, დღეიდან თბილისში გადმოსახლდნენ და ამჯერად, რუსთაველზე იბრძოლებენ იმ მოთხოვნების დაკმაყოფილებისთვის, რომელიც ოპოზიციას აქვს და რომლის გამოც, თვეების განმავლობაში, ქუჩაში, კარავში ცხოვრება მოუხდათ. კარავს და მოკარვეებს რამდენჯერმე  დაემუქრა საფრთხე- ორჯერ მანქანა შევარდა.  ღმერთმა არ გაიმეტა იქ მყოფი ადამიანები გასაწირად, თორემ ხელისუფლებამ ისინი გაწირა.ასე, რომ კარავი ისტორიულია და მასზე სისხლითაა გამოსახული ჩვენი უახლესი ისტორიის გარკვეული ფრაგმენტები. კარვის ბინადრები  იმედს იტოვებენ, რომ მათი ბრძოლა დიდხანს არ გაგრძელდება, თუმცა იქნება ბოლომდე და აღარ გაჩერდებიან. ასე, რომ რუსთაველზე, კახელების კარავიც დაფუძნდა.

დატოვეთ კომენტარი

კომენტარები

მსგავსი სიახლეები

Back to top button
Close