საინტერესო

ოჯახამოწყვეტილ ქალს ჯადოს დანახვის ნიჭი აღმოაჩნდა_მე მხოლოდ ხალხის დასახმარებლად გადავრჩი

თბილისში, დიღმის მასივში მცხოვრებ ნინო ჯანელიძეს ოჯახის წევრებიდან ცოცხალი აღარავინ ჰყავს. ქმარი, დედა, მამა, პაპა, ბებია, ბიძა და მამამთილი უცნაურ ვითარებაში დაეღუპნენ. რამდენიმე წელიწადში ყველა ახლობელი ადამიანი დაკარგა.  ნინო ამბობს, რომ მისი ოჯახი ჯადომ გაანადგურა. ერთი პერიოდი თავადაც ცუდად იყო, მაგრამ სიკვდილს ღვთის წყალობით გადაურჩა. მას შემდეგ გამოჯანმრთელდა, რაც სახლში ე.წ. ჯადოქართა ნახელვი აღმოაჩინა და ქრისტიანული წესით გაანადგურა.  მას შემდეგ ნინოს უცნაური ნიჭიც მიეცა, ჯადს რაღაც ზებუნებრივი ძალით ხედავს . მისი თქმით, ამ დროს მარჯვენა თვალში თითქოს კიდევ ერთი თვალი უჩნდება , რომლითაც ბოროტების კვალს ამჩნევს.

ნინო ცნობილი ოჯახის წარმომადგენელია, მისი პაპა _ მამამისის გამზრდელი ბიძა, იუსტინე ჯანელიძე  _ ცნობილი ქირურგი იყო. პეტერბურგის სამხედრო  სამედიცინო აკადემიაში მისი სახელობის სტიპენდია ახლაც არასებობს. მსოფლიოში პირველი ოპერაცია გულის აორტაზე სწორედ მან ჩაატარა. ნინოს თბილისის ივანე ჯავახიშვილის სახელობის უნივერსიტეტის ფილოლოგიის ფაკულტეტი აქვს დამთავრებული. მან საკუთარი ოჯახის ტრაგიკული ისტორია მოგვითხრო.

ნინო ჯანელიძე:

_ მამაჩემს, ზურაბ ჯანელიძეს, მამა 1937 წლის რეპრესიების დროს დაუხვრიტეს, ამიტომ იგი ბიძამ გაზარდა და უპატრონა. იუსტინე ცნობილი ადამიანი იყო. სსრ კავშირში სასწრაფო დახმარების სისტემის ჩამოყალიბებაც და პირველი გულის ოპერაციაც მის სახელთანაა დაკავშირებული. მამამ ჯერ ნახიმოვის ს სკოლა დაამთავრა მედალზე, შემდეგ კი სწავლა თბილისის პუშკინის სახელობის პედაგოგიური ინსტიტუტის ფიზიკის ფაკულტეტზე განაგრძო. დედაჩემი, ნადეჟდა შაბულინაც, ამ ფაკულტეტის სტუდენტი იყო. ერთმანეთი ინსტიტუტში გაიცნეს. დედა იმ დეკაბრისტი კაზაკების შთამომავალი იყო, რომლებიც საქართველოში გეორგიევსკის ტრაქტატზე ხელისმოწერის დროს ჩამოვიდნენ. ეკონომიურად საკმაოდ კარგად ვიყავით, თბილისში რამდენიმე ბინაც გვქონდა და აგარაკიც, მაგრამ რაღაც პერიოდის შემდგე ყველაფერი უკან-უკნ წავიდა. ჩვენი ოჯხი ფიზიკურად განადგურდა. ყველა ახლობელი ტრაგიკულად დამეღუპა.

_ რა შეემთხვათ?

_ თავდაპირველად ერთი უცნაური დამთხვევის შესახებ მინდა მოგიყვეთ. მამაჩემის დედის დედა, ელეონორა ელიავა,კვირადღეს, დღის 6 საათზე მეზობელმა შემთხვევით მოკლა. იგი წვეულებისთვის ემზადებოდა და კაბის შესაერად მკერავთან მიდიოდა. მეზობელი სამხედრო იყო, ბებია სხვა ადამიანში შეეშალა და ტყვია დაახალა. გავიდა წლები და ასევე კვირას, ზუსტად 6 საათზე მეზობლის ხელით გამოესალმა სიცოცხლეს დედაჩემიც.

მამაჩემის დედა გარკვეული პერიოდი მანგლისის აგარაკზე ცხოვრობდა. დედა იქ ხშირად ადიოდა და რამდენიმე დღე რჩებოდა. ერთხელ დედა ბებიას სანახავად წავიდა. თურმე ჩვენს სახლში მეზობლის ბავშვები კივილით მიცვივდნენ, გვიშველე, მამა დედას კლავსო. მეზობელ ცოლ-ქმარს ჩხუბი მოსვლიათ და ქმარი ცოლს იარაღით დასდევდა.  დედა მათ დასახმარებლად და გასაშველებლად გაიქცა და იმ კაცმა ცოლის ნაცვლად დედაჩემი მოკლა.  ეს ტრაგედიაც კვირას,  დღის 6 საათზე მოხდა.  ამ ამბიდან ძალიან მალე ბებოც გარდაიცვალა, ისიც შემთხვევით მოკლეს.

მამა რომ გარდაიცვალა უკვე გათხოვილი ვიყავი. დამირეკეს და მითხრეს, ქუჩაში უგონო მდგომარეობაში მყოფ კაცს ჯიბეში თქვენი ტელეფონის ნომერი აღმოაჩნდა და  სასწარფოდ მობრძანდითო. მამას თავის ქალის ტრამვა ჰქონდა მიღებული. რესპუბლიკური საავადმყოფოს რეანიმაციულ განყოფილებაში მოათავსეს, მაგრამ რამდენიმე დღეში გონზემოუსვლელად დაიღუპა. გამოძებამ ვერ დაადგინა რისგან იყო გამოწვეული თავის ქალის ტრამვა.  წინა დღეს, სანამ მამას ეს დაემართებოდა, დედას დაბადების დღე იყო. გარდაცვლილ ცოლს ცხარე ცრემლით დასტიროდა და თავადაც მის გზას გაუყვა

_ მეუღლე რა ვითარებაში დაგეღუპათ?

_ 24 წლის გავთხოვდი. ჩემი მამამთილი და ქმარიც ექიმები იყვნენ . ერთი პერიოდი  მამამთილი რკინიგზის საავადმყოფოს დირექტორად მუშაობდა.  ჩემი მეუღლე _ მალხაზ ჩიტაია _ სასწარაფო დახმარების ექიმად.  ამჟამად ცოცხლები აღარც ისინი არიან .როცა მამაჩემის ოჯახიდან ყველა განადგურდა, როგორც ჩანს, ჯერი ამათზე მიდგა.

თავდაპირველად დედამთილი გარდაიცვალა. გაურკვეველი ვითარებით პერიტონიტი დაემართა და 3 დღეში სიცოცხლეს გამოესალმა. მალხაზს 34 წლის ასაკშ უცნაური დაავადება შეეყარა, სხეული გაელია და ლოგინად ჩავარდა.  როცა შეამოწმეს, ყველა ორგანოზე ჰქონდა სიმსივნის კვალი, თუმცა ყველა სხვადასხვა წარმოშობის იყო. ექიმები ამბობდნენ, ასეთი უცნაური რამ არც კი გაგვიგონიაო. შემდეგ მამამთილიც და ბიძაჩემიც დაიღუპნენ. მამაჩემის ძმა ერთ-ერთი სკოლის დირექტორი იყო. ისიც მოულოდნელად გარდაიცვალა.

ვგრძნობდი, რომ მეც ცუდი რაღაცეები მემართებოდა. სიარულის უნარს ვკარგავდი, თითქოს ენერგიისგან ვიცლებოდი, მაგრამ ტაძარში სიარული დავიწყე და სწორედ შემდეგ მოხდა უცნაური რამ _ხილვები დამეწყო და ხედვის უნარი აღმომაჩნდა. ადამიანს, რომ დავინახავდი, თუ ცუდი რამ ელოდა, წინასწარ ვგრძნობდი. ჯადოს დანახვასაც ვახერხებდი.

_ თქვენი აზრით, ეს უნარი უფლისაგან მოგეცათ?

_ ეკლესიაში სიარულს ბებიამ ბავშვობიდანვე შემაჩვია. უცნაური წინასწარმეტყველებები მაშინაც მქონდა, მაგრამ ყურადღებას არ ვაქცევდი. ჩემს უცნაურობებს სხვები უფრო ამჩნევდნენ. ზოგჯერ მეკითხებოდნენ კიდეც, ნინო, აბა თქვი ხვალ რა მოხდება ან სტუმრად ვინ მოგვივიაო. რასაც ვიტყოდი, ყველაფრი ცხადდებოდა. როცა წამოვიზარდე ეს უნარი თითქოს გამიქრა, ოჯახურმა ტრაგედიებმა კი ჩემში ჩაბუდებული ნიჭ კვლავ გამოაღვიძა.

როგორც უკვე გითხარით, დედას განსაკუთრებით უყვარდა ასტროლოგია. სურვილი ჰქონდა საკუთარი ობსერვატორია გაეხსნა. ახლობლებს პირად კალენდრებსაც უდგენდა. მუშაობის პროცესში ხშირად მის გვერდით ვიჯექი და ვაკვირდებოდი. ამას სწავლას ვერ დავარქმევ, მაგრამ მოხდა ისე, რომ ამ უბედურების შემდეგ გონებაში დედაჩემის ყველა ქმედება აღმიდგა.

_ ასტროლოგიის დახმარებით დედათქვენი ვერ მიხვდა, რომ საფრთხე მეზობლისაგან ელოდა?

_ ასტროლოგიით იმის შეცნობა, კონკრეტულად ვისგან გელოდება საფთხე, შეუძლებელია. თანაც დედა ისეთი ქალი იყო, რომც სცოდნოდა, ხიფათი ელოდა და დაენახა, სხვას რაღაცა უჭირდა, უკან მაინც არ დაიხევდა. ბუნებით მხიარული ადამიანი იყო, ხალისიანი თვალები ჰქონდა, მაგრამ ზოგჯერ მის მზერაში უკიდეგანო დარდიც გაივლებდა ხოლმე. მაშინ მეგონა, რომ მეჩვენებოდა, ახლა კი ვფიქრობ, რომ შეიძლება დედას რაღაც წინათგრძნობა ჰქონდა. არ ვიცი, რა გითხრათ. ჩემი ოჯახი მატერიალურად საკმაოდ ძლიერი იყო, მაგრამ მთელი ჩვენი სიმდიდრე თითქოს ქარმა წაიღო. ძალიან სწრაფად ყველაფერი ხელიდან გაგვიქრა,.  ერთი პერიოდი ისე მიჭირდა, პურის საყიდელი ფულიც არ მქონდა. 9 ბინა გვქონდა და ერთიც აღარ შეგვრჩა. ამას ბედისწერას ნამდვილად ვერ დავაბრალებ. ჩვენზე ჯადომ იმოქმედა.

მას შემდეგ, რაც ყველა ახლობელი ხელიდან გამომეცალა, სახლში ბევრი უცნაური რამ ვიპოვე. დანზე დახვეული თმები, თქვენ წარმოიდგინეთ, სატანური ლოცვების წიგნიც კი!.. ამის გახსენბას არ მინდა… არ ვიცი კონკრეტულად ვის შეიძლებოდა ეს გაეკეთებინა. არ გამოვრიცხავ, რომ ჩემი ოჯახი სწორედ ახლობლის შურმა შეიწირა.  როცა ეს ყველაფერი სახლიდან გვაიტანე , ჩემი ჯანმრთელობის მდგომარეობაც გამოსწორდა და მატერიალურადაც ისევ მოვძლიერდი. ამან კიდევ უფრო განმიმტკიცა აზრი, რომ ამდენი უბედურება ბოროტმა ძალამ დაგვმართა. გადავწვიტე, ჩემი უცანური უნარის წყალობით, ადამიანებს იმ ბოროტებასთან ბრძოლაში დავხმარებოდი, რასაც ჯადო ჰქვია.  ე.წ. ზედმეტი თვალითა და ერთი საინტერესო მეთოდით ვიგებ, ჯადო ვის აქვს გაკეთებული.

_ საინტერესო მეთოდს რას უწოდებთ?

_ დედაჩემის ეროვნების ხალხში _ სლავებში (კაზაკებში), წინათ ასეთი ტრადიცია არსებობდა­ _ ახალგაზრდა კაცი ცოლის მოყვანამდე იერუსალიმში ფეხით უნდა წასულიყო. ზოგჯერ მათ ამ წმინდა გზაზე ხილვები ჰქონდათ, ზოგჯერ რაღაც ნიჭი და ცონა ეძლეოდათ. ერთ-ერთი ასეთი ცოდნის შესახებ დედას ახლობლებისგან მეც მქონდა გაგონილი. ამ მეთოდით ისინი იგებდნენ, ადამიანის კარმა დაზიანებულია თუ არა ან რას შეიძლებოდა დაეზიანებინა ის, საიდან გელოდა ხიფათი და ასე შემდეგ. ქაღალდზე ჩახაზულ უჯრებში სლავური დამწერლობის სიტყვები და სიმბოლოებია ჩაწერილი. უჯრებზე ხარის რამდენიმე პატარა ძვალი ეწყობა, რაც თავის მხრივ ფორმებს ქმნის.  თითოეული ფორმა რაღაცას ნიშნავს. ამითაც ვიგებ ადამიანს რა აქვს გაკეთებული.  როცა ვინემს ჯადოს აღმოვუჩენ, მოსახსნელად ეკლესიაში, სასულიერო პირებთან ვგზავნი, რადგან მე მისი მოხსნა არ შემიძლია.

_ჯადოს შეცნობის თქვენეული ხერხის შესახებ სასულიერო პირებმა იციან?

_ ოჯახური ტრაგედიის შემდეგ ძალიან მინდოდა, მონასტერში წავსულიყავი. ანჩისხატის ტაძარში მამა აკაკი ვნახე და ჩემი მდგომარეობა ავუხსენი. მამა აკაკიმ მონასტერში წასვლაზე თავის შეკავება მირჩია, იქნებ სცადო და საკუთარ თავს რეალიზება ჯერ საერო ცხოვრებაში გაუკეთოო. როგორც ვიცი, საეკლესიო პირებს გამუდმებული ლოცვებით გარკვეული ხედვებიც აქვთ. შეიძლება მამა აკაკიმ იგრძნო, რომ ჩვეულებრივ ცხოვრებაში უფრო გამოვადგებოდი ადამიანებს.

ამ ამბიდან არ გასულა დიდი დრო, რომ მამა მესიზმრა. იგი გარდაცვლილ ახლობლებთან ერთად მატარებელში იჯდა და სადღაც მიდიოდა. მეც მათთან ავედი, მაგრამ მამამ ხელი წამავლო და ძალით ჩამომიყვანა, ჯერ შენი მისია ბოლომდე არ შეგისრულებიაო.  როგორც ჩანს, მრავალრიცხოვანი ოჯახიდან მხოლოდ მე იმიტომ გადავრჩი, ადამიანებს ბოროტთან ბრძოლაში დახმარება გავუწიო და იმ უბედურებისგან ვიხსნა, რომლის სიმწარეც საკუთარ თავზე მაქვს გამოცდილი.

ნელი ვარდიაშვილი.

 

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close