საზოგადოება

ოცნების კოორდინატორს მანქანა დააჯახეს

მცხეთის საარჩევნო შტაბში  დღის მანძილზე მიმდინარეობდა კარდაკარის პირველადი მონაცემების შეგროვება. ასევე გაიმართა შეხვედრა ცხვარიჭამიაში. საღამოს კი შეხვედრა გაიმართა მისაქციელში, სადაც ცნობილი ხელოვანები ჩამოვიდნენ დიმიტრი ხუნდაძის მხარდასაჭერად.

როგორც ჩვენთვის გახდა ცნობილი, გუშინ, წეროვანში  რამდენიმე ინციდენტი მოხდა. ცეზარ ჩოჩელი შეხვდა ადგილობრივ მოსახლეობას ლიახვის ხეობაში. ამ შეხვედრას იღებდა ოცნების ზონის ხელმძღვანელი ვასილ თოთროვი, რომელსაც ხელი შეუშალეს და კამათი დაუწყეს, რომ ის აშინეს ხალხს და ამიტომ არ გამოვიდნენ ხეობელები ჩოჩელთან შესახვედრად. ცნობისთვის, გუშინ ჩოჩელის შეხვედრაზე იყო 70-მდე კაცი, აქედან 21 ადგილობრივი.

ასევე შევიტყეთ, რომ შემდეგი ინციდენტი მოხდა კვლავ წეროვნაში, სადაც ოცნების კოორდინატორს ლალი გიგაურს სიტყვიერი შეურაცხყოფა მიაყენეს, როდესაც ის ოჯახში შევიდა. ოჯახის უფროსი იყო გიორგი მიდელაშვილი, ფეხბურთის გუნდის, ააიპის ხელმძღვანელი. გიორგი მიდელაშვილი გაბრაზებულა როდესაც გიგაურს მისთვის დიმიტრი ხუნდაძის გაზეთი და ბუკლეტი მიუწოდებინა, როგორ ბედავთ და მე ოცნების გაზეთს მაწვდითო. სიტყვიერი შელაპარაკება დიდხანს არ გაგრძელებულა.

მესამე ინციდენტი მოხდა საღამოს. ახალგორის  საკრებულოს წევრმა ნაციონალური მოძრაობიდან გია ჩიტიშვილმა ნასვამ მდგომარეობაში მანქანა დააჯახა ოცნების კოორდინატორს ზეინაბ მეტრეველს. მეტრეველი კარდაკარის შესრულების პროცესში იყო. დაზარალებული საავადმყოფოში გადაიყვანეს, ხოლო ჩიტიშვილზე საქმე აღიძრა. ინციდენტის შესახებ ინფორმაცია გავრცელდა პრესაში. როგორც მეტრეველი აღნიშნავს, ის სახლში ბრუნდებოდა, როდესაც უკან დაეწია გია ჩიტიშვილი, ჯერ დასცინა, ხოლო შემდეგ მანქანა უკან დასწია და დაეჯახა. დაზარალებულს მკვეთრი დაზიანებები არ აღენიშნება. ზეინაბ მეტრეველი კარდაკარზე ოცნების ატრიბუტიკით დადიოდა.

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close