ოპოზიციური პარტიები ჩოჩელის საჩივრის პასუხს მოუთმენლად ელიან
მცხეთაში საოლქო საარჩევნო კომისია ცეზარ ჩოჩელის საჩივარს განიხილავს 41-ე უბანზე გაბათილებული ბიულეტენების ხელახალი გადათვლის თაობაზე. საოლქო კომისიის გადაწყეტილებას მოუთმენლად ელიან ოპოზიციური პარტიები. 2016 წლის საპარლამენტო არჩევნების ორივე ტურში მსგავსი საჩივარი ბევრი ოპოზიციური პარტიისგან შევიდა კომისიებში, მაგრამ რამდენადაც ვიცით, უმეტესი მათგანი არ დააკმაყოფილეს იმ გარემოების გათვალისწინებით, რომ უბნებზე საჩივარი არ იყო დაწერილი და გადაწყვეტილებები ერთხმად იყო მიღებული.
სწორედ ასეთივე შემთხვევაა მცხეთაშიც. თუკი საოლქო კომისია ჩოჩელის საჩივარს დააკმაყოფილებს, მაშინ რა პასუხს გასცემენ სხვა პარტიებს, რომლებსაც მსგავსი კადრებიც და მასალებიც ბლომად აქვთ? ალბათ, ყველაზე მეტად ამ პროცესს ნაცმოძრაობა ელოდება, რომელიც ჩოჩელივით ხელისუფლებას არჩევნების გაყალბებაში ადანაშაულებს. ვნახოთ, რა იქნება სულ რამდენიმე დღეში და რამდენად გამოიყენებენ ოპოზიციური პარტიები ამ ფაქტს რევანშისთვის.
