საზოგადოება

ოკუპანტების წყალბით, გალელი ქართველები უსაბუთოდ მეზობელთანაც ვეღარ გადავლენ

ოკუპანტებმა გალის რაიონში სოფლებს შორის გადაადგილება შეზღუდეს რუსი ოკუპანტები გალის რაიონის სოფლების საზღვრებზე დგანან და ერთი სოფლიდან მეორეში მოსახლეობას დოკუმენტების წარდგენის გარეშე არ უშვებენ. გალელების ცნობით, რუსი ოკუპანტები ადგილობრივი მოქალაქეების დოკუმენტების მონაცემებს მათ ხელთარსებულ ბაზაში ამოწმებენ. თუ ადგილობრივს საბუთი არ აღმოაჩნდა, მათ სურათებს უღებენ და მილიციაში გადაჰყავთ, საიდანაც ჯარიმის საფუძველზე უშვებენ. რაიონის მასშტაბით ეთნიკურად ქართველების გადაადგილების კონტროლი ე.წ. არჩევნების შემდეგ გამკაცრდა, აცხადებენ ადგილობრივები. ოკუპირებული აფხაზეთის დე ფაქტო მთავრობამ ქართველებს ახალი სამართლებრივი სტატუსი მარტის ბოლოდან მიანიჭა. გადაწყვეტილების მიხედვით, გალის რაიონში მაცხოვრებლებლებს დროებითი მაცხოვრებლის სტსტუსის აღმნიშვნელი ე.წ. დოკუმენტი გადაეცემათ. შესაბამისი გადაწყვეტილება დღეს დე ფაქტო მთავრობის სხდომაზე მიიღეს. ე.წ. მინისტრთა კაბინეტის იურიდიული განყოფილების ხელმძღვანელის ლაშა ცაავას განმარტებით, დროებითი მაცხოვრებლის სტატუსი არის დოკუმენტი, რომელიც აფხაზეთში მცხოვრებ უცხოელ მოქალაქეებზე და მოქალაქეობის არ მქონე პირებზე გაიცემა. აღნიშნული დოკუმენტით ზემოხსენებული სტატუსის ადამიანები შეძლებენ აფხაზეთის ტერიტორიაზე მუდმივად ცხოვრებას და ე.წ. საზღვრებზე თავისუფლად გადაადგილებას. დე ფაქტო შს მინისტრის ასლან კობახიას თქმით,”ეს აფხაზეთის მოქალაქის პასპორტი არ არის”. მისი განმარტებით ამით გადაწყდება აფხაზეთის მოქალაქეებისა და ე.წ. რესპუბლიკის მოქალაქეობის არ მქონე პირთა საკითხი. “გალის რაიონის მცხოვრებლებისათვის დოკუმენტების გაცემით, ჩვენ მივცემთ ხალხს შესაძლებლობას დამშვიდდეს და მათ სამართლებრივ სტატუსს განვსაზღვრავთ”, – განაცხადა კობახიამ. აფხაზური მედიის ინფორმაციით, აფხაზეთის ყველა რაიონში დე ფაქტო შს სამინისტრო მზად არის აღნიშნული დოკუმენტის გასაცემად. ამჟამად გალის რაიონში მცხოცვრები ეთნიკურად ქართველები ე.წ. დოკუმენტ ფორმა ცხრას ფლობენ, რითაც ისინი საქართველოს კონტროლირებად ტერიტორიაზე გადაადგილდებიან.

pia.ge

დატოვეთ კომენტარი

კომენტარები

მსგავსი სიახლეები

3 Comments

  1. 176420 359545Hey. Neat post. There is a difficulty together with your site in firefox, and you may want to check this The browser may be the market chief and a large component of other folks will omit your exceptional writing because of this issue. 520680

Leave a Reply

Your email address will not be published.

Back to top button
Close