ოთარ კახიძე: ჩვენი საქმე არის მართალი, ჩვენ აუცილებლად გავიმარჯვებთ
ნაციონალური მოძრაობის წევრი, ადვოკატი ოთარ კახიძე სოციალურ ქსელში, ვანო მერაბიშვილის საქმეზე სტრასბურგის სასამართლოს გადაწყვეტილებას განმარტავს და პირობას დებს, რომ სტრასბურგის პროცესებში ხელისუფლებას დამარცხებენ . ”მინდა გამოვეხმაურო იუსტიციის მინისტრის, თეა წულუკიანის ბრიფინგს იმის შესახებ, თითქოს სტრასბურგის სასამართლომ დააკმაყოფილა მთავრობის საჩივარი ვანო მერაბიშვილის საქმესთან დაკავშირებით. საჩივარი კი არ დააკმაყოფილა, არამედ განსახილველად მიიღო. შეგახსენებთ, რომ ივანიშვილის ხელისუფლებას ჩვენ მოვუგეთ ექსტრადირების ყველა პროცესი, ინტერპოლის ყველა დავა და ვანო მერაბიშვილის საქმე სტრასბურგის სასამართლოში. ანალოგიურად დავამარცხებთ დიდ პალატაშიც, რომლის გადაწყვეტილებასაც კიდევ უფრო მაღალი ლეგიტიმაცია ექნება. სტრასბურგის სასამართლო აგრეთვე განიხილავს ჩემ აპლიკაციას გიგი უგულავას საქმესთან დაკავშირებით, სადაც ასევე დავამარცხებთ ხელისუფლებას.-” წერს ოთარ კახიძე და სტატუსის ბოლოს, სტალინის ცნობილ ფრაზას იშველიებს: “ჩვენი ბრძოლა არის მართალი და ჩვენ აუცილებლად გავიმარჯვებთ!”
