ნუთუ ეს არის Mercedes G 500 4×4² პიკაპი?

საიდუმლოს აღარ წარმოადგენს ის ფაქტი, რომ ”მერსედესი” G-კლასის პიკაპზე მუშაობს, რომელიც G 500 4×4²-ის ბაზაზე შეიქმნება.

ფოტოზე ხედავთ კამუფლირებულ ვერსიას, პროტოტიპს, რომელიც პაპარაცებმა გამოიჭირეს. 4×4²-თან შედარებით აშკარაა თვლების ბაზის და ავტომობილის სიგრძის მატება. სატესტო პროტოტიპი ძალიან ძლიერადაა შენიღბული და კონკრეტულს ვერაფერს ვიტყვით. სავარაუდოდ, პიკაპის საბარგული პატარა იქნება.

► შესაძლოა, ეს იყოს ე.წ. ლანდოლეტი – ლიმუზინის ტიპის ძარა, რომელსაც მძღოლის კაბინის ნაწილში ხისტი, ხოლო უკანა სავარძლების ნაწილში გადასახსნელი ზედი აქვს. ასეთ შემთხვევაში სახურავის გახსნა იქნება შესაძლებელი.

ცნობილია, რომ პიკაპი ტექნიკას 4×4²-სგან მიიღებს, რაც ნიშნავს 4-ლიტრიან V8-Biturbo-ს 422 ცხენის ძალითა და 610 ნიუტონმეტრით. დიდი შანსია, რომ პიკაპი ლიმიტირებული ტირაჟით გამოვიდეს, რადგან რაკი ”პატარა” G500 4×4² 230 000 ევროზე მეტი ღირს, ლოგიკურად, ამ ზონდერმოდელის ფასი დაახლოებით 280 000-დან 300 000 ევრომდე უნდა იყოს.

► Mercedes G 500 4×4² პიკაპის გამოშვება წელსვეა დაგეგმილი.

autobild.ge

დატოვეთ კომენტარი

კომენტარები