ფრანგ სასულიერო პირს, ჯაკ ლაკროქსს, რომელმაც ნათლობისას ბავშვს სახეში გაარტყა, უფლებამოსილება შეუჩერეს. ამის შესახებ Foxnews-ი წერს.
89 წლის მღვდელს, რომელიც ქალაქ მოში მსახურობდა ნათლობისა და ჯვრისწერის ცერემონიების წარმართვა აღარ შეეძლება.
„მოკლე ვიდეოში ჩანს, რომ ხანდაზმულმა მღვდელმა მოთმინება დაკარგა და ბავშვს გაარტყა. მან ამის შემდეგ ოჯახს ბოდიში მოუხადა და მას აღარ შეეძლება, მონათლოს ადამიანები ან ჯვარი დაწეროს წყვილებს“ – ამის შესახებ ადგილობრივმა ეპარქიამ გაავრცელა ინფორმაცია.
ვიდეო ინტერნეტში რამდენიმე დღის წინ გავრცელდა.
