ჯანდაცვის მსოფლიო ორგანიზაციის იანვრის თვის რეპორტის თანახმად, მსოფლიოში ყოველწლიურად ავტოსაგზაო შემთხვევების გამო 1.25 მილიონი ადამიანი იღუპება, ხოლო 20-დან 50 მილიონამდე ადამიანი სხეულის სხვადასხვა სახის დაზიანებას იღებს.

ორგანიზაციის ცნობით, ავტოსაგზაო შემთხვევათა 90% ნაკლებად განვითარებულ და დაბალ განვითარებულ ქვეყნებში ხდება. მსხვერპლთა დიდი ნაწილი (48%) 15-დან 44 წლამდეა.

ჯანდაცვის მსოფლიო ორგანიზაცია იმასაც აღნიშნავს, რომ დამცავი ჩაფხუტი მოტოციკლეტებისა და ველოსიპედით მოძრავ ადამიანების დაღუპვის რისკს 40%-ით ამცირებს; ავტომობილებში ღვედის გამოყენება კი ავარიაში დაღუპვის რისკს 40-50%-ით ამცირებს.

რაც შეეხება ავარიების გამო მიღებულ ზარალს, ის ქვეყნების უმრავლეს შემთხვევაში მთლიანი შიდა პროდუქტის დაახლოებით 3%-ს უდრის.

ჯანდაცვის მსოფლიო ორგანიზაცია ვარაუდობს, რომ 2030 წლისთვის ავტოსაგზაო შემთხვევებით გამოწვეული გარდაცვალება მსოფლიოში სიკვდილიანობის მეშვიდე მიზეზი იქნება.

ასევე ცნობილია 10 ქვეყანა, სადაც ავტოავარიის გამო ყველაზე მეტი ადამიანი იღუპება.

დატოვეთ კომენტარი

კომენტარები