საზოგადოება

მოქალაქემ პატრულს სასამართლო დავა მოუგო

მოქალაქე ქეთი პაპავამ საპატრულო პოლიციას სასამართლო დავა მოუგო. ქეთი მიმდინარე წლის 13 იანვარს ქობულეთში დააჯარიმა საპატრულო პოლიციამ, როცა ის ბათუმიდან ოჯახთან ერთად სვანეთისკენ მიემგზავრებოდა. პატრულ-ინსპექტორის, დავით ბერიძის მიერ ხელმოწერილი ადმინისტრაციულ-სამართალდარღვევის ოქმის კანონიერებაზე გადაწყვეტილება მოსამართლე ლაშა თავართქილაძემ მიიღო. მოსამართლემ მიიჩნია, რომ ქეთი პაპავას სამართალდარღვევა არ ჩაუდენია.

ქობულეთში 20 ლარით დაჯარიმებულმა ქეთი პაპავამ პატრულს მაშინვე მოსთხოვა წარმოედგინა დარღვევის დამადასტურებელი რაიმე მტკიცებულება. „მითხრა, რომ სხვა ეკიპაჟმა დააფიქსირა დარღვევა, მას გადმოსცეს ინფორმაცია და მტკიცებულება არ ჰქონდა. თავი ძალიან შეურაცხყოფილად და დაუცველად ვიგრძენი, როდესაც პატრულ-ინსპექტორი უსაფუძვლოდ მადანაშაულებდა, თუმცა, სიტუაციის გამწვავება და შვილებისთვის საახალწლო განწყობის გაფუჭება არ მსურდა, ქვითარი ჩავიბარე“, – გვიყვება ქეთი პაპავა.

მოქალაქემ თავდაპირველად ჯარიმა საპატრულო პოლიციაში გაასაჩივრა, თუმცა საჩივრის დაკმაყოფილებაზე 22 თებერვალს უარი უთხრეს. ამის შემდეგ მიმართა სასამართლოს ქეთი პაპავამ.

„საწინააღმდეგო მტკიცებულება, გარდა პატრულ-ინსპექტორის ახსნა-განმარტებისა, წარმოდგენილი ვერ იქნა. ყოველგვარი ეჭვი კი პირის სასარგებლოდ უნდა გადაწყდეს,“ – აღნიშნა მოსამართლე ლაშა თავართქილაძემ.

რამდენად იცვლება სასამართლო პრაქტიკა, როცა აქამდე სასამართლო ძირითადად პოლიციელის ჩვენებას ეყრდნობოდა? – პაატა დიასამიძე, „ახალგაზრდა იურისტთა ასოციაციის“ იურისტი, რომელიც სასამართლოში ქეთი პაპავას ინტერესებს იცავდა, ამბობს, რომ დამოკიდებულება ბოლო პერიოდში შეიცვალა და სასამართლო შეჯიბრობითობის პრინციპზე აკეთებს აქცენტს. „მხოლოდ პოლიციელის ჩვენება აღარაა მთავარი მტკიცებულება მოსამართლისთვის“, – ამბობს პაატა დიასამიძე.

ქეთი პაპავა მოგებული სასამართლო პროცესის შემდეგ: „პირველ რიგში, მსურდა ჩემი სიმართლე დამემტკიცებინა. მინდა, რომ მიუხედავად დღევანდელი მოუცლელი ცხოვრების რეჟიმისა, მოსახლეობას არ დაეზაროს და გაასაჩივრონ უსაფუძვლო ჯარიმები. ვიმედოვნებ, საპატრულო სამსახური მეტად გადახედავს მუშაობის სტილს და შედეგად უკეთ მოამზადებს ან გადაამზადებს თანამშრომლებს. შედეგად კი, დაიბრუნებენ მოქალაქეთა ნდობასა და კეთილგანწყობას, რაც დროთა განმავლობაში იკარგება.“

სამართალდარღვევის საქმეზე ნებისმიერი დავა სასამართლოში უფასოა.

– See more at: http://batumelebi.netgazeti.ge

დატოვეთ კომენტარი

კომენტარები

მსგავსი სიახლეები

9 Comments

  1. I would like to express my appreciation to you just for bailing me out of this setting. Just after researching through the internet and seeing basics which were not pleasant, I thought my entire life was done. Living minus the solutions to the problems you’ve fixed through your entire short post is a serious case, as well as ones that might have in a wrong way damaged my entire career if I hadn’t come across your web page. The training and kindness in maneuvering every item was very helpful. I am not sure what I would have done if I hadn’t encountered such a point like this. I can at this point relish my future. Thanks so much for your high quality and result oriented help. I won’t hesitate to suggest your site to any person who requires guide on this subject.

  2. I’ve been exploring for a little for any high quality articles or blog posts on this kind of area . Exploring in Yahoo I at last stumbled upon this website. Reading this info So i’m happy to convey that I’ve a very good uncanny feeling I discovered just what I needed. I most certainly will make sure to don’t forget this website and give it a look regularly.

  3. 863604 149208Youd outstanding guidelines there. I did a search about the field and identified that quite likely the majority will agree along with your internet page. 554179

Leave a Reply

Your email address will not be published.

Back to top button
Close