რელიგია | ისტორია

მოუწოდებენ თუ არა ათონელი ბერები ხალხს ტყეში გაიხიზნონ

ათონის მთაზე მოღვაწე ქართველი ბერი, მამა იერონიმე აცხადებს, რომ სიცრუეა თითქოს ათონელი ბერები ხალხს მოუწოდებენ, ტყეში გაიხიზნონ და ანტიქრისტეს გაექცნენ.

როგორც სასულიერო პირი ფეისბუქის საკუთარ გვერდზე წერს, აღნიშნულ ინფორმაციას ესფიგმენის საძმოსა და წინამძღვრის მიერ ვრცელდება, რომლებიც არ ექვემდებარებიან მართლმადიდებელი ეკლესიის იურისდიქციას.
„უამრავმა ადამიანმა მომწერა დღეს, ერთ ცრუ ინფორმაციასთან დაკავშირებით, რომ თითქოს ათონელი ბერები მოუწოდებს ხალხს, ჩაალაგონ მაკარონი, წიწიბურა, კონსერვები, იარაღი და ჯვარი და გაიხიზნონ ტყეში, რადგან ანტიქრისტეს გაექცნენ.
ეს ინფორმაცია გავრცელდა ათონის მთაზე არსებული სქიზმატური მონასტრის – ესფიგმენის საძმოსა და წინამძღვრის მიერ, რომლებიც არ ექვემდებარებიან მართლმადიდებელი ეკლესიის იურისდიქციას და იმყოფებიან სქიზმაში (განხეთქილებაში).
ძალიან ბევრჯერ სცადეს მათი დაჯგუფების გაძევება პოლიციის დახმარებით, ათონის წმინდა მთიდან, მაგრამ უშედეგოდ.
ამიტომ ნუ დაუჯერებთ ამ ინფორმაციას, ნუ ავრცელებთ და ნუ აშინებთ ამ ისედაც დაშინებულ ხალხს!“ – წერს მამა იერონიმე.

წყარო digest.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close