აშშ-ის ვიცე- პრეზიდენტის, მაიკ პენსის მესიჯები იყო, როგორიც მისი, ასევე პრეზიდენტ ტრამპის მესიჯები, – ამის შესახებ საქართველოს საგარეო საქმეთა მინისტრმა მიხეილ ჯანელიძემ აშშ-ის ვიცე პრეზიდენტის, მაიკ პენსისა და საქართველოს პრემიერ-მინისტრის გიორგი კვირიკაშვილის პრესკონფერენციის დასრულების შემდეგ განაცხადა.

მიხეილ ჯანელიძის შეფასებით, აშშ-ის ვიცე- პრეზიდენტის მხრიდან უმნიშვნელოვანესი განცხადებები მოვისმინეთ.

”მაიკ პენსის მხრიდან ეს მესიჯები იყო, როგორიც მისი, ასევე პრეზიდენტ ტრამპის მესიჯები. პირველ რიგში, ეს იყო განცხადება, რომელიც უკავშირდებოდა აშშ-ის ძალიან მტკიცე პოზიციას თავისუფლების დაცვისადმი, საქართველოსთან სტრატეგიული პარტნიორობისადმი, საქართველოს ტერიტორიული მთლიანობისა და სუვერენიტეტისადმი, ჩვენი გაძლიერებისა და სიმტკიცისადმი. ასევე ძალიან ნათლად დადასტურდა აშშ-ის მტკიცე მხარდაჭერა ჩვენი ევროატლანტიკური ინტეგრაციის, ევროპული და ნატო-ში ინტერგაციის მიმართულებით, წევრობის მიმართულებით, ასევე პროგრესი, რომელიც ჩვენს ქვეყანას, ჩვენს მთავრობას აშშ-ის მხარდაჭერით გვაქვს ბოლო წლების განმავლობაში. ჩვენ ვდგავართ სწორ გზაზე, ვაძლიერებთ ჩვენს ქვეყანას, ჩვენს ეკონომიკას, ჩვენს თავდაცვისუნარიანობას, ჩვენს ძირითად სტრატეგიულ პარტნიორთან ერთად, რაც არის ძირითადი განმაპირობებელი ჩვენი მშვიდობის, სტაბილურობის, ასევე რეგიონის სტაბილურობის და რა თქმა უნდა, ჩვენი შემდგომი სუვრენიტეტის განმტკიცების”, – განაცხადა მიხეილ ჯანელიძემ.

ipn.ge

დატოვეთ კომენტარი

კომენტარები

Загрузка...