საზოგადოება

“მეორე შვილი ორივე ფილტვის დახურვით დაიბადა. ძალიან ბევრი ვიბრძოლეთ მის გადასარჩენად”

გთავაზობთ ნაწყვეტს ინტერვიუდან ნანა კუხალეიშვილთან, რომელიც „პრაიმტაიმში“ დაიბეჭდა.

– რა იყო მარჯანიშვილის თეატრის შემდეგ?
– გავთხოვდი. 5 წელი შვილი არ მყავდა. მაგრამ ზედმეტად რომანტიკული სიყვარული გვქონდა. ღრუბლებში დავფრინავდით, ვერც გავიგე, ისე გაფრინდა ის ხუთი წელი. მერე მეგრელი ნათესავები სულ მეკითხებოდნენ, ფეხმძიმედ ხომ არ ხარო, რას ჰქვია, 5 წელი შვილი არ გყავთო (იცინის). მერე შემეძინა ანა, რომელიც ახლა 15 წლის არის. ანი პატარა იყო, დედა რომ გამიხდა ავად. 2 წელი ვუვლიდი, მაგრამ… ძალიან იმოქმედა დედის გარდაცვალებამ. მეორე შვილი ორივე ფილტვის დახურვით დაიბადა. ძალიან ბევრი ვიბრძოლეთ მის გადასარჩენად, თვითონ კიდევ უფრო ბევრი იბრძოლა. საბედნიეროდ, ახლა კარგად არის. 10 წლის არის გიგი. მერე მამა გარდამეცვალა. ამ ყველაფერმა განაპირობა 20-წლიანი პაუზა ჩემს კარიერაში. თუ არ ჩავთვლით ბავშვების მომზადებას სხვადასხვა თეატრალურ სტუდიებში, სკოლებში.
– მეუღლეს ხომ არ ჰქონდა პრობლემა თქვენს პროფესიაზე, ამანაც ხომ არ განაპირობა თქვენი 20-წლიანი პაუზა კარიერაში?
– რომ გითხრათ, ძალიან უხაროდა-მეთქი, მოგატყუებთ, მაგრამ პროტესტი ნამდვილად არ ყოფილა. გავაცანი ჩემი მეგობრები მარჯანიშვილის თეატრიდან, საკუთარი თვალით ხედავდა, რა ურთიერთობა გვქონდა ერთმანეთთან, როგორი თეატრალური ოჯახი გვქონდა. ასე რომ…
– „ფორმულა კრეატივმა“ როგორ გიპოვათ?
– მე ვიპოვე. ეკას ვიცნობდი მჟავანაძეს. ასეთ სიტუაციებში ცოტა მხდალი ვარ, მირჩევნია, სხვამ მთხოვოს, ვიდრე – მე, მაგრამ ეკასთან გავბედე და ვუთხარი, იქნებ ერთი როლი ჩემთვისაც გამოიძებნოს-მეთქი. გაგიჟდა, სად ხარ აქამდე, რატომ არ შემეხმიანეო. რადგან დავიწყე, მივედი თეატრში „პროტესტი“, ბავშვებს ვამეცადინებდი, იფეთქა ისევ მსახიობის სულმა, ვთქვი, რომ აღარ გავჩერდებოდი. მანამდე მთელი 20 წლის განმავლობაში ბედნიერი ვიყავი ჩემი ოჯახით, ჩემი შვილებით, მაგრამ მეორე მხრივ ვკვდებოდი. ჩემს თეატრთან რომ გავივლიდი. თეატრისკენ არ ვიხედებოდი, თავს ვატრიალებდი და გავრბოდი. ბავშვები რომ მიმყავდა თეატრში, მე გარეთ ვდგებოდი და ველოდებოდი. ვერ ვუყურებდი სპექტაკლს.

დატოვეთ კომენტარი

კომენტარები

მსგავსი სიახლეები

4 Comments

  1. 809891 388985However, what concerning the conclusion? Are you positive in regards to the supply? 613583

  2. 911672 269863Thanks for the write up! Also, just a heads up, your RSS feeds arent working. Could you take a look at that? 221478

Leave a Reply

Your email address will not be published.

Back to top button
Close