საზოგადოება

მეზობელო კარისაო… რა აკავშირებს ერთმანეთთან ტრამპს და ივანიშვილს?

საქართველოს ყოფილი პრეზიდენტისა და ოდესის ადმინისტრაციის ყოფილი ხელმძღვანელის, მიხეილ სააკაშვილის ფეისბუქგვერდიდან ჩანს, რომ ის დიდ იმედებს ამყარებს საკუთარ ურთიერთობებზე დონალდ ტრამპთან.

სოციალურ ქსელში ასევე საუბარია მასზედ, რომ ამერიკის ამჟამინდელი პრეზიდენტი ბიძინა ივანიშვილთანაც ახლობლობს და ისინი უცხოეთში მეზობლები არიან. თუმცა, სინამდვილეში რა აკავშირებს ქართველ მილიარდერს ზესახელმწიფოს ახლადარჩეულ პრეზიდენტთან, ამის შესახებ ივანიშვილი არაფერს ამბობს. ინფორმაციას ტრამპისა და ივანიშვილის მეზობლური ურთიერთბების ირგვლივ, ერთ-ერთი აქტიური ფეისბუქმომხმარებელი _ მამუკა მჭედლიშვილიც ადასტურებს. იგი ამბობს, რომ ბიძინა ივანიშვილის და დონალდ ტრამპის სახლებს სეიშელზე, საერთო კედელი აქვთ.

ცოტა ხნის წინ მამუკა მჭედლიშვილმა ასეთი სტატუსი გამოაქვეყნა: “ მიშა და ტრამპი….მიშა თურმე ძმაკაცია ტრამპის….ტრამპი მიშას დაასაქმებს…..ტრამპი მიშას გუბერნატორად დანიშნავს რომელიღაც შტატში…..ეს ყველაფერი მიშისტების ილუზიაა… გინდათ ძალიან მაგარი ინფორმაცია გითხრათ? თან 1000%-იანი ,,ფაისაღი“!… მოგმართავთ ჟურნალისტებს და პატარა ,,სატოპკეს“ აგიწევთ: ვინმემ თუ იცით, ან თუ დაინტერესდით იმით,რომ სეიშელის კუნძულებზე, ბატონი ბიძინა და ტრამპი, ერთმანეთის მეზობლები არიან?… და მათ სახლებს, საერთო კედელი აქვთ!? აქეთ ტრამპი-იქეთ ბიძო! გადაამოწმეთ! არ ვღადაობ! ასე რომ, მეზობელო კარისაო…თან ძალიან მეგობრული სამეზობლო ქონიათ ერთმანეთში…. სხვა მაცხოვრებლები, გაკვირვებულებიც კი არიან ასეთი ახლო ურთიერთობით…..

“ფოსტალიონი ” მამუკა მჭედლიშვილს დაუკავშირდა, რომელიც ამჟამად რამდენიმე დღით ბათუმში იმყოფება და სთხოვა, ინფორმაციის წყარო დაესახელებინა. მან კი ასეთი რამ გვიამბო:

,,ბათუმში ვარ! ახლობლის დაბადების დღეზე ვიყავი რესტორან ,,ბრავოში” . იქ სუფრაზე, ჩემს ძმაკაცს ახლდა უცხოელი სტუმარი. ვინაობის დასახელებას ნუ მომთხოვთ. რაღაცაზე დავიწყეთ საუბარი. ამ დროს სტუმარმა ამოიღო ტელეფონი, რომლის მსგავსიც არათუ სურათებში, საერთოდ ნანახიც კი არ მქონდა და ჩართო ვიდეო. გვკითხა, ამაზე ლაპარაკობთო? ვიდეოზე გადაღებული იყვნენ ტრამპი და ბიძინა ივანიშვილი. მე ვკითხე, საიდან ჰქონდა ეს ვიდეო? მეც იქვე ვცხოვრობო _ აგვიხსნა და მოყვა, რომ ტრამპი და ბიძინა ძალიან მაგრად ძმაკაცობენ, უკვე დიდი ხანიაო.! გარწმუნებთ, ჩემი თვალით ვუყურე ვიდეოს, სხვის ნაამბობს არ გიყვებით და პასუხს ვაგებ ჩემს სიტყვებზე.

_ მაშინ უფრო დაწვრილებით მოგვიყევით რა იყო გადაღებული ვიდეოზე?

_ მოკლედ, ორივე ერთად იდგნენ და რაღაცაზე საუბრობდნენ, დაახლოებით 15 წამი. ორივეს ტყავის ქურთუკები ეცვათ და კეპები ეხურათ. ტრამპს წითელი კეპი ეხურა, ბიძინას _ მუქი ლურჯი. ისინი ერთმანეთს ძალიან თბილად დაემშვიდობნენ, ხელის აწევით და ღიმილით. ვიდეოში თავიდან მხოლოდ ტრამპის ვერტმფრენი მოჩანს, ივანიშვილის _ არა. ცოტა ხანში ისინი სხვადასხვა მიმართულებით გაფრინდნენ.

_ ვიდეო როდისაა გადაღებული?

_ ვერ გეტყვით, არ მიკითხავს. ერთი კი თქვა, მე 8 წელია იქ ვცხოვრობ, მათ კი მანამდე ჰქონდათ შეძენილი სახლებიო.

წყარო postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close