საზოგადოება

“მათი მთავარი სამოქმედო პრინციპია, ჩაკლან, მოკლან და ჩააქვესკნელონ ყველა აზრი“

საინტერესო ინფორმაციები მეგობრების ფეისბუქგვერდებიდან:

`ყველაზე დიდ უბედურებად, დედამიწაზე, მიმაჩნია უსამართლობა და დონ კიხოტობამდე ბევრი მიკლია, მაგრამ ყოველთვის ვცდილობ, თუ ვერ ვებრძვი, სხვის მიერ ჩადენილს, მე მაინც არ ჩავიდინო.
ახლა  ჩამოვთვლი, რამდენ უსამართლობას ვხედავ დღევანდელ პარლამენტში, კერძოდ, მის უმრავლესობაში:
1-ლი უსამართლობა: “ქართული ოცნების” სიაში, ლევან გოგიჩაიშვილის გარდა, ვერ ვხედავ ვერც ერთ ადამიანს, ვინც თავის თავზე გამოსცადა მიშას რეჟიმი და რეალურად, ანუ სამკვდრო-სასიცოცხლოდ ებრძოდა მას (მათ შორის, ჩემი მეგობრების უმრავლესობა და მეც);
მე–2 უსამართლობა: 25 წელი, ისტორიისთვის არაფერია და დროის ამ მცირე მონაკვეთში, ამდენი ომის გადამტან ქვეყანაში, კობა კობალაძის გარდა, არცერთი პიროვნება არ არის “ქართული ოცნების” სიაში, ვინც იბრძოდა კი არა, უბრალოდ, თავის თავზე გადაიტანა რომელიმე ომის საშინელება (შეიძლება აქ ცოტა უზისტობაა და მაპატიეთ, მაგრამ 2-3 ადამიანი არსს არ ცვლის);
მე-3 უსამართლობა: იმაზე აღარც ღირს დიდხანს გაჩერება, რომ სიაში იურისტებს, ეკონომისტებს და დიპლომატებს, ბევრად სჭარბობს მომღერალი, მოცეკვავე, ფეხბურთელი, რეჟისორი, ბიზნესმენი (ახლა რაღად სჭირდებათ ეს პარლამენტარი-ბიზნესმენები, ვერ ვხვდები);
მე-4 უსამართლობა: სია შედგენილია, აბსოლუტურად, უპრინციპო ადამიანებისგან (ერთ ხელზე ჩამოსათვლელთა გარდა). ანუ, მათი უდიდესი უმრავლესობის მთავარი სამოქმედო პრინციპია, ჩაჰკლან, მოკლან და ჩააქვესკნელონ ყველა აზრი, რომელიც წინააღმდეგობაში მოვა არა საქვეყნო, ანდა ბოლო-ბოლო თავიანთ, არამედ ბიძინას ინტერესებთან;
მე-5 უსამართლობა: ისევ შეუსრულებელი დარჩა მთავარი დაპირება – სამართლიანობის აღდგენა და მეტიც, ამის ნაცვლად, “ქართულმა ოცნებამ” მოახერხა ყველა პარტია “მოეხრჩო”, “ნაციონალური მოძრაობის” გარდა და უკვე, იძულებულიცაა ითანამშრომლოს მასთან.
კიდევ შემეძლო გაგრძელება, მაგრამ ეს ძირითადია, რითიც უკმაყოფილო ვარ და თანაც, არ მინდა, ჩასაფრებულის პოზიციაში აღმოვჩნდე, თორემ უფრო მწვავედ და ვრცლადაც ვისაუბრებდი თითოეულ საკითხზე.
“მეჟდუ პროჩემ”, არ ვამბობ: ღმერთმა ჰქნას, ძალიან დიდი სისულელე და ბოდვა გამოდგეს ეს პოსტი!` -წერს დავით მარდალეიშვილი.

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close