სპორტი | კულტურა
ლუკაკუ დააპატიმრეს
„ევერტონის“ ფორვარდი რომელუ ლუკაკუ, რომელიც სულ მალე „მანჩესტერ იუნაიტედის“ ფეხბურთელი გახდება, ლოს ანჯელესში ძალიან ხმაურიანი წვეულების გამო დააპატიმრეს.
ბელგიელმა იჯარით აიღო ვილა ბევერლი-ჰილზე და ერთ საღამოს მან და მისმა მეგობრებმა ისე იხმაურეს, რომ მეზობლებმა ექვსჯერ გამოიძახეს პოლიცია. მეშვიდე ჯერზე კი, ფეხბურთელი დააპატიმრეს. საბოლოოდ, ფორვარდი პოლიციის ოფისში არ დატოვეს და ჯარიმის გადახდის შემდეგ გაანთავისუფლეს.
ორი დღის წინ, „მანჩესტერ იუნაიტედმა“ გამოაცხადა „ევერტონთან“ მოლაპარაკების შესახებ, რომლის მიხედვითაც ლუკაკუ 85 მილიონად გადადის იუნაიტედში.
