ლონდონში, ისტორიის მუზეუმთან ახლოს მანქანა ტროტუარზე შევარდა, რის შედეგადაც რამდენიმე ადამიანი დაშავდა.

პოლიციის ცნობით, ერთი ადამიანი უკვე დაკავებულია. BBC-ის რეპორტიორი ადგილიდან იუწყება, რომ შემთხვევის ადგილზე მყოფი ადამიანები მსუბუქად დაშავდნენ. ინციდენტი სწორედ მაშინ მოხდა, როდესაც ის ისტორიის მუზეუმიდან გამოდიოდა:

“მე დავინახე ავტომანქანა, რომელმაც დიაგონალურად გადმოკვეთა გზა. ტროტუარზე 2-3 ადამიანი იქნებოდა. ამ შემთხვევის შემდეგ მათ ბევრი ხალხი შემოეხვია. ადგილზე მაშინვე გამოჩნდნენ სამართალდამცავები, ვერტმფრენი და სასწრაფო სამედიცინო დახმარების ბრიგადა, რომელმაც მაშინვე წაიყვანა ერთ-ერთი დაშავებული”.

ფოტო: Reuters

BBC-ის ცნობით, გზა, სადაც ინციდენტი მოხდა, როგორც წესი ტურისტებით არის სავსე, ვინაიდან სწორედ იქ არის განთავდებული ეროვნული, მეცნიერებისა და ვიქტორიასა და ალბერტის მუზეუმები.

on.ge

დატოვეთ კომენტარი

კომენტარები