ლენდ როვერის X6 – პირველი ცნობები
ჩვენმა ერთგულმა მკითხველებმა იციან, რომ ”ლენდ როვერი” Range Rover Sport-ის ბაზაზე SUV-კუპეს შექმნის. ეს იქნება Range Rover Velar Sport Coupe, რომელიც BMW X6-ს და Mercedes GLE Coupe-ს გაუწევს კონკურენციას. პირველი ცნობები!
”ლენდ როვერში” SUV-კუპეზე აქტიურად მუშაობენ. იმ დროს, როცა ბრიტანელთა კონკურენტებს უკვე ჰყავთ დინამიკური SUV-ები კუპესებრი სახურავებით, თავად ამ კლასის ფუძემდებელი ”ლენდ როვერი” იმით იწონებს თავს, რომ პირველი SUV-კაბრიოლეტი (Evoque Cabrio) გამოიყვანა ასპარეზზე. ახლა კი გადაწყვეტილია, რომ ბრიტანელები ჟენევის ავტოშოუზე (9-19 მარტი) Range Rover Velar-ს წარმოადგენენ.
ეს ავტომობილი კლასობრივად Evoque-ზე მაღლა იქნება პოზიციონირებული. 4-კარიანი JLR-ის IQ-პლატფორმაზე იქმნება, რომელიც Jaguar F-Pace-შიცაა გამოყენებული. ალუმინის ძარის დამსახურებით, ავტომობილის წონა 2000 კილოგრამზე ნაკლები იქნება.
► კონკურენტები? რა თქმა უნდა, BMW X6 და Mercedes GLE Coupe.
ჩვენი გერმანელი კოლეგების ინფორმაციით, ”რენჯ როვერის” SUV-კუპე Jaguar F-Pace-იდან და Range Rover Sport-იდან ნაცნობ ძრავებს მიიღებს. ავტომობილი სერიულად აღიჭურვება სრული ამძრაობით და 8-საფეხურიანი ავტომატური გადაცემათა კოლოფით. მოგვიანებით დაგეგმილია Plug-in-ჰიბრიდული ვერსიის გამოშვებაც.
აქვე ვთქვათ, ბრიტანელები ახალი მოდელის SVR-ვერსიის გამოშვებასაც გეგმავენ, რომელსაც მინიმუმ 550 ცხენის ძალა ექნება. ”ლენდ როვერის” მომავალი SUV-კუპეს სავარაუდო საწყისი ფასი დაახლოებით 70 000 ევროა.
autobild.ge
Hiya very cool blog!! Guy .. Beautiful .. Superb .. I will bookmark your site and take the feeds also…I’m happy to seek out numerous helpful info right here in the publish, we’d like work out more strategies on this regard, thank you for sharing.