საინტერესო

ლალი მოროშკინა ,,კარენოი” სიღნაღელი ხდება

,,თბილისში ერთადერთ სახლს ვყიდი..."

ლალი მოროშკინა, პანდემიით შექმნილი კრიზისის გამო თბილისში სახლს ყიდის და საცხოვრებლად კახეთში გადადის. ამის შესახებ მან ფბ საკუთარ გვერდზე დაწერა. euronews.ge ლალი მოროშკინას გაესაუბრა:

_ ლალი, თბილისელობაზე უარს ამბობ და ქიზიყელი გინდა, რომ გახდე? ეს ხუმრობით, რეალურად, რამ გადაგაწყვეტინა ასეთი ნაბიჯის გადადგმა? 

_ 2018 წელს, როდესაც ტურისტული ბუმი დაიწყო, გადავწყვიტე პატარა ბიზნესი მეწარმოებინა. ბანკით ვიყიდე სიღნაღში პატარა სახლი, გავმართე და 6-ნომრიანი სასუმრო. ძალიან კარგად ავმუშავდი, შესაბამისად, გავგულიანდი და გავზარდე სესხი. მოულოდნელმა პანდემიამ, სრულმა ეკონომიკურმა კოლაფსმა და უგუნურმა ლოქდაუნმა, წელში გაწყვიტა ჩემი ბიზნესი. ახლა იმისათვის, რომ აუზის მშენებლობა ბოლომდე მივიყვანო, მიწევს თბილისში ერთადერთი სახლის გაყიდვა. სხვა შემთხვევაში, შეიძლება, კრიზისი უფრო გაღრმავდეს.

_ პესიმიზმი შენ არ გჩვევია და მიკვირს, ასე რომ საუბრობ…

_ გეთანხმებით, რომ არ მიყვარს წუწუნი და გოდება. შექმნილ მდგომარეობას, როგორც მორიგ განსაცდელს ისე ვხვდები და მომავლის იმედით ვაგრძელებ სიცოცხლეს! ისე კი, პოზიტივიც არის! მიყვარა კახეთი, ჩემი სიღნაღის იდუმალებით მოცული გალავნები და კავკასიონიდან მონაბერი სუფთა ჰაერი. როცა მიჭირს, ბოდბეს ვაკითხავ და წმინდა ნინოს ვეჩურჩულები… ასე, რომ მონატრებულებს ქიზიყელი გელოდებით.

დატოვეთ კომენტარი

კომენტარები

მსგავსი სიახლეები

Back to top button
Close