საზოგადოება

კომუნალურ ვაუჩერებს ყველა ვეღარ მიიღებს

ჯანდაცვის და სოციალური მომსახურების საქალაქო სამსახურის უფროსი გელა ჩივიაშვილი ჟურნალისტებთან საუბარში აცხადებს, რომ კომუნალურ ვაუჩერებს მხოლოდ ის ადამიანები ვეღარ მიიღებენ, ვისაც მაღალი შემოსავალი აქვთ და მათი ფინანსური მდგომარეობა ვაუჩერს არც საჭიროებდა. მისივე განმარტებით, იმ მოქალაქეებს, რომლებიც სოციალურად დაუცველთა კატეგორიას არ განეკუთვნებიან, შეუძლიათ მიმართონ სხვადასხვა ღონისძიებას, რათა ამ ბაზაში აღმოჩნდნენ.
„როგორც თქვენთვის ცნობილია, წლების მანძილზე, კომუნალური ვაუჩერი ერიცხებოდა თბილისის იმ მოქალაქეებს, რომელსაც მაღალი შემოსავალი ჰქონდა და საერთოდ არ იცოდა, რომ ამ შეღავათით სარგებლობდა. დიდხანს მიდიოდა ამ საკითხზე მსჯელობა, მათ შორის მთავრობის ეკონომიკურ საბჭოში, საკრებულოში. გასულ კვირას, თბილისის მერია საკრებულოში ინიციატივით შევიდა, რომ მიიღონ ვაუჩერები მხოლოდ იმ ოჯახებმა, ვისაც სოციალურ ბაზაში 200 ათასზე ნაკლები ქულა გააჩნია. ესენი არიან ოჯახები, რომლებიც ყველაზე უფრო შეჭირვებულები არიან და რეალურად არამარტო კომუნალური სუბსიდიის, სხვა სოციალური პროგრამებითაც სარგებლობენ. თუ მოქალაქეები მიიღებენ 200 ათას ქულაზე ნაკლებს, რაც საკმაოდ მაღალია, ყველა ისარგებლებს ამ შეღავათით. ასე რომ, ამ მიმართულებით თანხები უფრო მინზობრივად და ეფექტურად იქნება მიმართული, ხოლო დანარჩენი თანხა ბიუჯეტში მოთხოვნილებების შესაბამისად გადანაწილდება” – განაცხადა ჩივიაშვილმა.

წყარო: postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close