საბავშვო

“კლასელები მცემდნენ, შეურაცხყოფას მაყენებდნენ… დედა კი მეუბნებოდა, აიტანე, მოითმინეო…”

რამდენიმე დღის წინ დავბეჭდეთ ერთი ქართველი დედის წერილი, რომელიც ყვებოდა, როგორ ცემეს მის 5 წლის ბიჭს (იხილეთ სტატია). სტატიას ბევრი კომენტარი მოჰყვა. მათ შორის ერთი მამაკაცის, რომელიც საკუთარ ამბავს იხსენებს და ჩავთვალეთ, რომ ეს კომენტარი ღირდა იმად, სხვებიც გასცნობოდნენ. სამწუხაროდ, მშობლები ყოველთვის არ იჭერენ სწორ პოზიციას, როცა მათ შვილს რაღაც უჭირს და ასევე სამწუხაროდ, ჩვენ გარშემო ძალადობის ფაქტებიც მრავლად არის. მოუსმინეთ გიორგის, რომელიც თავის ამბავს გვიზიარებს:

“ამ ამბავზე დედაჩემი გამახსენდა, რატომ? შუახნის მამაკაცი ვარ და დღესაც გული ტკივილით მევსება, როცა მახხენდება მისი ჩემდამი გამოჩენილი თითქოსდა ზრუნვა, დარიგება – არ იჩხუბო, გაგარტყეს – აიტანე, შეგაგინეს – მოითმინე, და ა.შ. სამაგიეროდ, როცა პასუხს გავცემდი ჩემს დამჩაგვრელებს და სახლში ნაცემი მივიდოდი, მე იქით მცემდნენ ოჯახში, იქით მიმატებდნენ, რატომ იჩხუბეო… მანამ მე-7 კლასში არ გადავედი და ავუკრძალე ყველანაირი ჩემი ჩაგვრა დედაჩემს და მამაჩემს…

ნა ვერ აღწერს, ისეთი ტკივილი განვიცადე ამ ისტორიის წაკითხვისას და რატომ? იმიტომ, რომ მე თუ რამეს მივაღწიე და ვარ  პ ი რ ო ვ ნ ე ბ ა, იმით, რომ თავს არ ვაჩაგვრინებდი თანატოლებს და 5 კი არა, მთელი კლასი მეხვეოდა – 23 ბიჭი (9 გოგონა გვყავდა მხოლოდ კლასში). მე-4 კლასიდან გადავედი სხვა სკოლაში და უცხოდ მთვლიდნენ, მცემდნენ, შეურაცხყოფას მაყენებდნენ, თავის ოჯახში მიღებულ მდაბიო ქცევებთან ერთად სხვისი ჩაგვრის სურვილებსაც ჩემზე ახორციელებდნენ, ყოველდღე მცემდნენ და ვცემდი, არ ვეპუებოდი – რამდენჯე კიბეზე დამაგორებდნენ ხოლმე, მოულოდნელად 6-7 ბიჭი ზემოდან დამეტაკებოდა და… აი, მეშვიდე კლასში, ჩხუბში უკვე კინაღამ რომ სერიოზულად დავაზიანე ერთი, აქ შეწყდა ჩემი ჩაგვრა… და მივხვდი, რომ ძალას უნდა ძალა დაუპირისპირო…
ამ დედას კი ვურჩევ – შეიყვანე შენი შვილი კარატეზე, კონტაქტურ სტილზე და ასწავლე თავის დაცვა და სულის სიძლიერე. ეს მას ცხოვრებაში დაეხმარება და მისცემს უნარს, ფლობდეს საკუთარ თავს და იცავდეს მას, ვინც ეყვარება… ტირილით და ბოდიშებით, თან ნაძალადევით, საქართველოში ვერაფერსაც ვერ მიაღწევ… შეგრჩება ერთი უმწეო შვილი, რომლის დაჩაგვრასაც ყველა შეეცდება…”

გიორგი

წყარო mshoblebi.ge

დატოვეთ კომენტარი

კომენტარები

მსგავსი სიახლეები

One Comment

Leave a Reply

Your email address will not be published.

Back to top button
Close