ინგრედიენტები:
კიტრი 4 კგ
ოხრახუში 1 კონა
ზეთი 200 მლ
ძმარი 9% 1 ჭიქა
მარილი 80 გ
შაქარი 1 ჭიქა
შავი პილპილი 1/2 ს/კ
ნიორი 1 თავი
ტაბულა
მომზადების წესი:
გარეცხეთ კიტრი, მოაჭეით პატარაზე ორივე მხრიდან თავები.
თუ დიდია კიტრი, გაჭერით ოთხ ნაწილად სიგრძეზე. თუ პატარა კიტრებია, – შუაზე.
მოათავსეთ კიტრი ქვაბში. დაჭერით წვრილად ოხრახუში და ჩაყარეთ კიტრთან. დაუმატეთ ერთი ჭიქა ზეთი და ერთი ჭიქა 9 %-იანი ძმარი. დაუმატეთ 80 გ მარილი (100 გრამიან ჭიქაში დატოვეთ ერთი თითის დადება).
მიღებულ მარინადს დაუმატეთ ერთი ჭიქა შაქარი და 1/2 ს/კ დაფქული შავი პილპილი.
საშუალო ზომის თავი ნიორი გაარჩიეთ და დაანაწევრეთ კბილებად, დაჭერით თითოეული კბილი თხელ ფირფიტებად და ჩაუმატეთ ქვაბში კიტრს.
გააჩერეთ 4-6 საათი. ამ დროის განმავლობაში კიტრი გამოუშვებს წვენს – სწორედ ამ წვენში დამარინადდება კიტრი.
ამ ხნის განმავლობაში პერიოდულად შეანჯღრიეთ ქვაბი.
სანამ კიტრი მარინადდება, გაასტერილეთ ლიტრანახევრიანი ქილები (4 კგ კიტრისგან 9 ქილა კონსერვი გამოგივათ).
შემდეგ აიღეთ გასტერილებული ქილები და გაავსეთ კიტრით: მოათავსეთ კიტრის ნაჭრები ვერტიკალურად. თუ ქილა კარგად არ გაივსო, ჩაალაგეთ კიტრი ჰორიზონტალურადაც.
მოასხით ქილებში ჩალაგებულ კიტრს თავისივე მარინადე, დააფარეთ თქავსახურები და გაასტერილეთ 20-25 წუთის განმავლობაში.
შემდეგ ფრთხილად ამოიღეთ ქილები და მოხუფეთ.
დააყირავეთ ქილები და შეფუთეთ, სანამ კარგად არ გაცივდება.

წყარო: gemrielia.ge

დატოვეთ კომენტარი

კომენტარები