საინტერესო

კიბოს 10 სიმპტომი, რომელსაც მამაკაცები ყურადღებას არ აქცევენ

ექიმთან ვიზიტი დიაგნოსტიკის მიზნით, კიბოს ნიშნების დროულად აღმოჩენის შესაძლებლობას იძლევა.

1) პრობლემები შარდვის დროს – ხშირი შარდვა, განსაკუთრებით ღამით, უსიამოვნო შეგრძნება შარდვის დროს ან შენელებული შარდვის პრობლემები მამაკაცებში ასაკთან ერთად იმატებს. ამ სიმპტომებს როგორც წესი პროსტატის ჯირკვალის გადიდება იწვევს, მაგრამ იმისათვის რომ პოსტატის კიბო გამოვრიცხოთ, აუცილებელია ექიმთან დროული ვიზიტი
2) ცვლილებები სათესლე ჯირკვლებში – თუ თქვენ შეამჩნევთ დისკომფორტს ან რაიმე სახის ცვლილებებს სათესლე ჯირკვლებში, აუცილებელია ეწვიოთ ექიმს, რათა ფიზიკური გასინჯვის, სისხლის ანალიზისა თუ ექოსკოპიური კვლევის შედეგად დროულად დადგინდეს პრობლემის გამომწვევი მიზეზი.
3) სისხლი შარდვის ან კუჭის მოქმედების დროს – ეს შეიძლება იყოს პირველადი ნიშანი შარდის ბუშტის, თირკმელის ან მსხვილი ნაწლავის კიბოს ან საშარდე გზების ინფექციის.
4) ცვლილებები კანზე – თუკი თქვენ შენიშნავთ ხალის ზომის, ფორმის და ფერის ცვლილებებს ან ლაქების მატებას კანზე, აუცილებლად მიმართეთ ექიმს, რათა ჩაიტაროთ გამოკვლევა ან შესაძლოა ბიოფსია (სხეულის ქსოვილის მცირე ნაწილის ანალიზი), ვინაიდან ახალწარმოქმნილი ლაქები კანის კიბოს პირველადი ნიშნებია.
5) ცვლილებები ლიმფურ კვანძებში – გადიდებული ლიმფური კვანძები, პატარა ლობიოს ფორმის ჯირკვლები კისრის, ყელის ან სხვა არეში, გვაძლევს ნიშანს რომ ორგანიზმში რაღაც პროცესები მიმდინარეობს. როგორც წესი, ეს მიანიშნებს, რომ თქვენი იმუნური სისტემა ებრძვის ყელის ტკივილს ან გაციებას, თუმცა თუ ეს 2 კვირაზე მეტ ხანს გაგრძელდა, აუცილებლად მიმართეთ ექიმს.
6) წონაში კლება – მცირე ოდენობით წონაში კლება დიეტისა და ვარჯიშის გარეშე, ეს ნორმალურია, შეიძლება სტრესის ან ფარისებრი ჯირკვლიდან გამომდინარეც იყოს. ვერც იმას ვიტყვით, რომ დიდი რაოდენობით წონაში კლება კიბოს წინაპირობაა, თუმცა ეს ერთ-ერთი ნიშანია პანკრიასის, კუჭის ან ფილტვების კიბოსი. ექიმთან ვიზიტის შემთხვევაში სისხლის ანალიზებისა თუ სხვა კვლევების საფუძველზე, შესაძლოა დეტალური სურათის შექმნა და დროული რეაგირება.
7) ციებ-ცხელება – როგორც წესი, ეს არ არის ცუდი, ვინაიდან ასეთ დროს თქვენი ორგანიზმი ინფექციებს ებრძვის, თუმცა თუ ეს დიდხანს გაგრძელდა და თანაც უმიზეზოდ, შესაძლოა ლეიკემიის ან სხვა სისხლის კიბოს ნიშანი გახლდეთ. აუცილებელია ეწვიოთ ექიმს დეტალური გამოკვლევებისათვის.
8) ცვლილებები მკერდში – როგორც წესი, მამაკაცები მკერდში სიმაგრეებს ყურადღებას არ აქცევენ, რაც სიმსივნის ადრეულ სტადიაში გამოვლენის შესაძლებლობას ამცირებს. მკერდზე სიმაგრეების აღმოჩენის შემთხვევაში, აუცილებლად მიმართეთ ექიმს.
9) ხველა – არამწეველებში ხველა მაქსიმუმ 3-4 კვირა გრძელდება და პრობლემური არ არის, მაგრამ თუ ეს დიდხანს გაგრძელდა, სუნთვას გიკავებთ ან სისხლი ახლავს თან, და მწეველიც ბრძანდებით, არ გადადოთ ექიმთან ვიზიტი. ხველა ფილტვის კიბოს პირველი ნიშანია.
10) მუცლის ტკივილი და დეპრესია – იშვიათად, თუმცა დეპრესიას, რომელსაც თან ახლავს მუცლის ტკივილი შეიძლება იყოს პანკრეასის კიბოს ნიშანი.

წყარო: mmt.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close