საზოგადოება

“კიბომ არ იცის, ვის შეეჭიდა. მიდი ჯონ, ჯოჯოხეთი მოუწყვე”

საქართველოს ექსპრეზიდენტმა მიხეილ სააკაშვილმა ამერიკელი სენატორის ჯონ მაკკეინის გაცნობა პოზიტიურად გაიხსენა. სააკაშვილმა მაკკეინის მიმართა: “ჯონ, ეს ბრძოლაა და შენ არასდროს დანებდები”.
ამის შესახებ ექსპრეზიდენმა საკუთარ “ფეისბუქ” გვერდზე დაწერა.

“მე და ჯონმა ერთმანეთი 25 წლის წინ გავიცანით. 2008 წელს, მაშინ როდესაც რუსეთმა დაბომბვა დაგვიწყო, ჯონმა დამირეკა და მითხრა: “მიშა, ეს ბრძოლაა, არც შენ და არც მე არასოდეს დავნებდებით”. ამის შემდეგ გავიგე, რომ მას აქვს თავის ტვინის სიმსივნე და ახლა მე მინდა ვუთხრა: “ჯონ, ეს ბრძოლაა და შენ არასდროს დანებდები”.

დღეს გავრცელდა ინფორმაცია, რომ ამერიკელი სენატორის ჯონ მაკკეინს ტვინის სიმსივნე აღმოაჩნდა. მაკკეინის მძიმე ჯანმრთელობის მდგომარეობას უკვე გამოეხმაურა აშშ-ის პრეზიდენტი დონალდ ტრამპი, რომელმაც განაცხადა, რომ: “ჯონ, მე და მელანია შენთვის ვილოცებთ”.

ასევე ამერიკელ სენატორს მიმართა აშშ-ის ყოფილმა პირველმა პირმა ბარაკ ობამამ: “ჯონ მაკკეინი – ამერიკის გმირი და ერთ-ერთი ყველაზე მამაცი მებრძოლია , ვისაც ოდესმე შევხვედრივარ. კიბომ არ იცის, ვის შეეჭიდა. მიდი ჯონ, ჯოჯოხეთი მოუწყვე”.

დატოვეთ კომენტარი

კომენტარები

მსგავსი სიახლეები

One Comment

Leave a Reply

Your email address will not be published.

Back to top button
Close